بەلورۋس پرەزيدەنتى الەكساندر لۋكاشەنكو ءوزىنىڭ سايلاۋالدى باعدارلاماسىندا الداعى 5 جىلدا رەفەرەندۋم ارقىلى كونستيتۋسيانى وزگەرتۋگە ۋادە بەردى. بقل تۋرالى euroradio.fm سايتى حابارلادى.
"بەلورۋستىكتەر جالپىحالىقتىق تالقىلاۋ ارقىلى ءوزىنىڭ قۇقىعىن، ەركىندىگىن، مىندەتىن جانە مەملەكەتتىك ورگانداردىڭ وكىلەتتىلىگىن انىقتايتىن بولادى" دەلىنگەن لۋكاشەنكونىڭ باعدارلاماسىندا.
سونداي-اق ول ەل كونستيتۋسياسىنا پرەزيدەنتتىككە اسكەردە بولعان ادام عانا ۇمىتكەر بولا الاتىنداي وزگەرىس ەنگىزۋدى ۇسىنىپ ءجۇر.
9 تامىز كۇنى بەلارۋستە پرەزيدەنت سايلاۋى وتەدى. 1994 جىلدان بەرى بيلىكتە وتىرعان لۋكاشەنكو ءوزىن التىنشى مەرزىمگە ۇسىنىپ وتىر. الايدا سوڭعى كەزدە ەلدە وعان قارسى اكسيالار كوبەيگەن. قارسى تاراپ پرەزيدەنتتىڭ الەۋمەتتىك-ەكونوميكالىق ساياساتى سىنعا الۋدا.
30 شىلدە كۇنى ەلدە ەڭ ءىرى ميتينگتەردىڭ ءبىرى ءوتتى. وعان 63 مىڭ ادام قاتىسقان.
