بۇل ورىن رەسپۋبليكامىزداعى بىرەگەي مادەني-گەوگرافيالىق الاڭنىڭ قاتارىنا كىرەدى. مۇزتاۋ تاۋى ەۋرازيانىڭ تۋرا ورتاسىندا ورنالاسقان، قازاقستان مەن رەسەيدىڭ شەكاراسىندا تۇر. ءار ۇلتتا وسى تاۋدىڭ وزىندىك اتاۋى بار: ماسەلەن، التايلىقتار ۋچ-سۋمەر، ورىستار - بەلۋحا، قازاقتار - مۇزتاۋ دەپ اتايدى.
بۇل جەردىڭ ەنەرگەتيكاسى ەرەكشە. سوندىقتان بولار مۇندا عالىمدار، اقىندار، سۋرەتشىلەر، جازۋشىلار مەن تۋريستتەر كوپتەپ اعىلادى. مۇزتاۋ تاۋىندا دەمالۋدىڭ ءوزى ءبىر عانيبەت. ونىڭ اۋماعىندا تۋريستىك بازالار مەن كەشەندەر، قوناقتارعا ارنالعان ۇيلەر بار. سونداي-اق مۇندا ساۋىقتىرۋ كەشەنى بار. وندا پانتا ۆانناسى مەن مارال شارۋاشىلىعى ورنالاسقان. مۇزتاۋ تاۋىنا ەكسكۋرسيا جاساۋعا الپينيستەر مەن ەكستريمدى ۇناتاتىن جاندار كەلەدى. بۇدان بولەك بۇل جاققا مادەني مۇرا مەن التاي ايماعىنىڭ تاريحىمەن تەرەڭ تانىسقىسى كەلەتىن ساياحاتشىلار دا ات باسىن بۇرادى.
تاۋلى التاي ايماعىنىڭ ميستيكالىق ورىندارىنىڭ قاتارىنا يارلۋ اڭعارى جاتادى. ورمانداعى سيرەك كەزدەسەتىن گۇلدەر مەن جارتاستاردىڭ كەز كەلگەن جاندى تاڭعالدىراتىنى راس. شامان تاسىنىڭ ماڭايىنان مەدياتاسيامەن اينالىساتىن ادامداردى جولىقتىرۋعا بولادى.
ميستيكالىق ورىنداردىڭ ءبىرى - اقكەم وزەنى. ايتپاقشى، بۇل اتاۋدى كەرىسىنشە وقىساڭىز، "مەككا" دەگەن ءسوز شىعادى.
پىكىر قالدىرۋ