COVID-19-بەن بايلانىستى، كارانتين شارالارىنىڭ ەنگىزىلگەنىنە قاراماستان، الماتىنىڭ ونكولوگيالىق ورتالىعى ناۋقاستاردى امبۋلاتورلىق قابىلداپ، دياگنوستيكالىق زەرتتەۋ جانە ناۋقاستارعا ەمدەۋ جۇرگىزەدى.

الماتىلىق ونكولوگيالىق ورتالىق ديرەكتورى نۇرسۇلتان ىزماعامبەتوۆ وڭىرلىك كوممۋنيكاسيالار قىزمەتىندەگى ونلاين ينتەرۆيۋ بارىسىندا كوروناۆيرۋس پاندەمياسى كەزىندە ونكولوگيالىق اۋرۋلارمەن اۋىراتىن ادامدارعا مەديسينالىق كومەك كورسەتۋ بويىنشا جۇمىستار قالاي وتەتىنىن ايتتى.

ايتىلعان اقپاراتقا سايكەس، الماتىدا جىل سايىن ءتورت مىڭعا جۋىق قاتەرلى ىسىك اۋرۋلارى انىقتالادى. العاشقى جارتىجىلدىقتا ورتالىقتا جەتى مىڭنان استام ناۋقاس ەمدەلدى.

«بۇگىنگى تاڭدا شامامەن مىڭعا جۋىق وپەراسيالار جاسالدى، بەس جارىم مىڭعا جۋىق ادام حيمياتەراپيا كۋرسىن الدى جانە 500 ادام ساۋلەمەن ەمدەۋدەن ءوتتى. ءبىزدىڭ نەگىزگى مىندەتى – ناۋقاستاردى ەرتەرەك انىقتاۋ، 100% ەمدەۋمەن قامتاماسىز ەتىلدى»، — دەپ اتاپ ءوتتى ول.

ن. ىزباعامبەتوۆ پاندەميا كەزىندە ونكوناۋقاستارمەن بايلانىستى دارىگەرلەردىڭ باقىلاۋىمەن ءبولىستى.

«ءبىز شىندىعىندا ءوزىمىزدىڭ تەراپيامىزبەن بارلىق ناۋقاستاردىڭ يممۋنيتەتىن اۋىر پرەپارزدىڭ اتتارمەن جانە ساۋلە تەراپياسىمەن باسامىز. ءبىراق ءبىر قىزىقتى باقىلادىق، وسى ەمدەردى العان ناۋقاستارىمىزدىڭ اراسىندا COVID-19 جۇقتىرعاندار سانى از. حالىقارالىق تاجىريبەنى ساراپتاي وتىرا، دارىگەرلەر قاتەرلى ىسىك اۋرۋلارىنا قارسى قولدانىلاتىن پرەپاراتتاردى قولدانۋ كوروناۆيرۋس ينفەكسياسىن دا باساتىنىن بايقاعان»، — دەدى ول، الايدا بۇل اقپارات كوروناۆيرۋس ينفەكسياسىن ەمدەۋدە اۋىر پرەپاراتتاردى قولدانۋعا ۇسىنىلمايتىنىن اتاپ ءوتتى.

سونىمەن بىرگە، نۇرسۇلتان ىزباعامبەتوۆ دارىلىك قامتاماسىز ەتۋگە قاتىستى سۇراقتارعا تۇسىنىكتەمە بەردى. ورتالىق قاجەتتى دارىلىك پرەپاراتتار قورىمەن قامتاماسىز ەتىلەدى.

«ءبىزدىڭ جۇمىسىمىزدىڭ ءاربىر كەزەڭىندە ءبىز مەديسينالىق ساقتاندىرۋ قورىمەن جانە دارىلەرمەن قامتاماسىز ەتۋدە "سك-فارماسيا" ج ش س وكىلدەرىمەن ىنتىماقتاستىقتامىز. ورتالىقتىڭ بارلىق دارىگەرلەرى دارىلىك پرەپاراتتارمەن تولىق قامتاماسىز ەتىلەدى»، — دەپ حابارلادى ن. ىزباعامبەتوۆ.

«ەلىمىزدىڭ بارلىق ونكولوگيالىق ورتالىقتارى سياقتى ءبىزدىڭ اۋرۋحانا بارلىق پرەپاراتتارمەن "سك-فارماسيا" كومپانياسى ارقىلى قامتاماسىز ەتىلەدى. بيىلعى جىلى قاڭتاردا ءبىز پرەپاراتتاردىڭ جارتىجىلدىق قورىن الدىق، COVID-19 جانە شەكارانىڭ جابىلعانىنا، اۋە قاتىناستارىنىڭ ۇزىلگەنىنە قاراماستان، ءبىز ايتارلىقتاي قيىندىق كورمەدىك»، — دەپ اتاپ وتكەن ول سۇيەكتەگى مەتوستازانى ەمدەۋگە ارنالعان پرەپاراتتار توبى ماۋسىم ايىنا جەتكەنىن ايتىپ تولىقتىردى.

ءوز كەزەگىندە الماتى قالاسىنىڭ اكىمدىگى، جەكەلەي العاندا، الماتى قالاسىنىڭ قوعامدىق دەنساۋلىق ساقتاۋ باسقارماسى وسى ماسەلەگە جاۋاپتى ورگان رەتىندە دارىلىك پرەپاراتتارمەن قامتاماسىز ەتىلۋ، قارجىلاندىرۋ جانە باسقا دا ۇيىمداستىرۋ ماسەلەلەرىن قاداعالايدى. ورتالىقتىڭ باس دارىگەرى اتاپ وتكەندەي، قازىرگى ۋاقىتتا ولاردىڭ قامتاماسىز ەتىلۋ ماسەلەسى شەشىلۋدە.