الماتى وبلىسى ەسىك قالاسىندا ارتى جارىلىسقا ۇلاسقان جول اپاتى بولدى. بۇل تۋرالى توتەنشە جاعدايلار دەپارتامەنتىنىڭ باسپا ءسوز قىزمەتى حابارلادى.

"6 تامىز ساعات 10:15 شاماسىندا الماتى وبلىسى ەڭبەكشىقازاق اۋدانى ەسىك قالاسى  "الەم ويل" جانارماي بەكەتىنىڭ اۋماعىندا Land Cruiser Prado اۆتوكولىگى گاز سيستەرناسىنا سوعىلىپ، سالدارىنان جارىلىس تۋىنداپ، Hyundai Tucson جانە Land Cruiser Prado كولىكتەرى ورتەندى. سونىمەن قاتار 700 شارشى مەتر اۋماقتى الاتىن قۇرعاق ءشوپ ورتكە وراندى. الماتى وبلىسى توتەنشە جاعداي دەپارتامەنتى ءورتتى ساعات 10:52-دە اۋىزدىقتادى" دەلىنگەن جەرگىلىكتى تجد باسپا ءسوز قىزمەتىنىڭ مالىمدەمەسىندە.

وقيعا سالدارىنان دەنەسىن كۇيىك شالعان 72 جاستاعى Land Cruiser Prado كولىگىنىڭ جۇرگىزۋشىسى اۋرۋحاناعا جەتكىزىلدى. دەنەسىنىڭ 90%-ى كۇيىپ قالعان، قازىرگى كەزدە اۋىر حالدە جاتىر. ەكىنشى زارداپ شەككەن ادام 1990 جىلعى جانارماي بەكەتىنىڭ قىزمەتكەرى. كەۋدە تۇسىنان جاراقات العان ازامات مەديسينالىق كومەك كورسەتىلگەننەن كەيىن ۇيىنە بوساتىلدى.

جانارماي بەكەتىنە جاقىن ورنالاسقان كوپقاباتتى جانە جەر ۇيلەرگە ورتتەن زاقىم كەلگەن جوق.