ءبىر اپتا بۇرىن whatsapp جەلىسىندە اقتوبە وبلىسى بەرسييەۆ وكرۋگىنەن تابىلعان ەسكى قۇمىرا سۋرەتى تارالدى. جادىگەر كەزدەيسوق تابىلعان بولىپ شىقتى.
ولجانىڭ ەرتە داۋىردە ادامدار تۇراقتاعان "قازدىارال" تۇراعىنان تابىلعان. اقتوبە وبلىستىق تاريحي-ولكەتانۋ مۋزەيىنىڭ ارحەولوگ مامانى اسلان مامەدوۆ قۇمىرانى زەرتتەۋ جۇمىستارىن ۇيىمداستىرىپ جاتىر.
بارلاۋ جۇمىسى بارىسىندا كەزدەيسوق تابىلعان قۇمىرا بۇعان دەيىن باسقا جەردەن اكەلىنىپ، قايتا كومىلگەنى انىقتالدى. تابىلعان جەردى زەرتتەۋ بارىسىندا، ءتۇراقتا ەرتە كەزەڭدەگى قاۋىمنىڭ جەرلەنگەنى انىقتالدى.
ارحەولوگ اسلان مامەدوۆتىڭ باسشىلىعىمەن ەكسپەديا قۇرامى جاساقتالىپ، "قازدىارال" تۇراعىنا قازبا جۇمىستارى جۇرگىزىلۋدە.
ءۇش جەردىڭ نەگىزگى ءقابىرى ساقتالعان. قايتا كومىلگەن سۇيەكتەرى بار ەكى شۇڭقىر قازىلدى. ناتيجەسىندە ەرتە قولا ءداۋىرى مەن ورتا عاسىر كەزەڭىنە جاتاتىن ارحەولوگيالىق جادىگەرلەر اشىلىپ، سۋرەتتەلدى.
عىلىمي زاتتاردىڭ ماڭىزى تاريحي جوعارى. تەرەڭ زەرتتەۋدى قاجەت ەتەدى. ارحەولوگيالىق قازبا جۇمىستارىنا ارحەولوگ اسلان مالىك ۇلى، ويىلدىق جاس عىلىم جاناشىرلارى بەكەت مىرزاعالييەۆ پەن داۋلەت تاپاشيەۆ جانە ويىل اۋداندىق مۋزەيىنىڭ قىزمەتكەرى مەدەت قۇلمۇحانوۆ اتسالىسقان. بۇل شىعاناق بەرسييەۆ مۋزەيىنىڭ العاشقى، عىلىمي تۇرعىداعى ارحەولوگيالىق قازبا جۇمىسى.
پىكىر قالدىرۋ