بيىلعى جىلى قۇربان ايت ءداستۇرلى مەرەكەسىنىڭ اياسىندا مەشىت جانىندا قۇرباندىق شالىنبايدى. بۇل تۋرالى الماتى قالاسىنىڭ وڭىرلىك كوممۋنيكاسيالار قىزمەتىنىڭ الاڭىنداعى ونلاين بريفينگ بارىسىندا الماتى قالاسىنىڭ بوستاندىق اۋدانىنىڭ «بايكەن» مەشىتىنىڭ باس يمامى دانيار جۇمابايەۆ ايتتى.

كارانتيندىك شەكتەۋ شارالارىنا بايلانىستى مەشىتتەر جانىندا قۇرباندىق شالىنبايدى جانە ونىڭ ەتى تاراتىلمايدى.

«قۇرباندىققا شالىنعان ەتتى الۋعا ءوتىنىش بىلدىرگەندەرگە مەشىتكە كەلۋدىڭ قاجەتى جوق. قۇرباندىق ەتى ارنايى قۇرىلعان شتاب ارقىلى جۇزەگە اسىرىلىپ، مۇقتاج جانداردىڭ ۇيلەرىنە جەتكىزىلەدى»، – دەدى دانيار جۇمابايەۆ.

يمام كارانتين تالاپتارىن ساقتاۋ ءۇشىن الماتى قالاسىنىڭ مەشىتتەرىندە مەرەكەلىك ايت نامازى  وقىلمايتىنىن ايتتى.

قۇرباندىق شالۋعا ءوتىنىش بەرۋ جانە مۇقتاج، از قامتىلعان قالا تۇرعىندارىنىڭ ەت الۋعا قالدىرعان وتىنىشتەرىن الۋ Qurban2020.kz سايتى ارقىلى  24 شىلدەدەن 30 شىلدە ارالىعىندا جۇرگىزىلەدى. 2 جانە 3 تامىز كۇندەرى قۇرباندىققا شالىنعان ەت تاراتىلادى.

قوسىمشا اقپارات الۋ ءۇشىن بايلانىس تەلەفوندارى: 8(700)7197622، 8(727)3976390.