ەركىنبەك شوقايدىڭ ايتۋىنشا، قازاقستان مۇسىلماندار ءدىني باسقارماسى كارانتيندىك شەكتەۋ شارالارىن ەسكەرە وتىرىپ جانە حالىقتىڭ دەنساۋلىعىن ساقتاۋ ماقساتىندا قۇربان ايت مەرەكەسىنىڭ قارساڭىندا ونلاين رەجيمدە جۇمىس ىستەيتىن «QURBAN-2020» قايىرىمدىلىق اكسياسىن ۇيىمداستىرۋعا كىرىستى.

«جوبانى جۇزەگە اسىرۋ ءۇشىن «QURBAN-2020» ارنايى سايتى ىسكە قوسىلعان، سونىمەن بىرگە، ونلاين تۇردە قۇرباندىق شالۋدىڭ الگوريتمى مەن پروسەدۋراسى جاسالدى»، - دەدى ەركىنبەك شوقاي.

اكسيا اياسىندا قۇربان شالىنىپ، مۇقتاجدارعا ەت تاراتىلادى. ول ءۇشىن سايتقا كىرىپ، قاجەتتى مالىمەتتەردى تولتىرىپ، قۇرباندىققا شالىناتىن مالدى تاڭداپ، تولەمىن جاساۋ كەرەك. قۇرباندىق شالۋدىڭ فوتوسى مەن ۆيدەوسى بار ەسەپ تاپسىرىس بەرۋشىنىڭ نومەرىنە Whatsaap مەسسەندجەرى ارقىلى جىبەرىلەدى. ەت قايىرىمدىلىق رەتىنلە تۇتاستاي تاراتىلادى.

بۇگىنگى تاڭدا ءىرى جانە ۇساق مالدى قۇرباندىققا شالۋعا 55 ءوتىنىش كەلىپ تۇسكەن. مەرەكە جاقىنداعان سايىن قۇربان شالۋعا ءوتىنىش بىلدىرۋشىلەر سانى كوبەيە تۇسەدى دەپ كۇتىلۋدە.

سونىمەن بىرگە، سايتتا قۇرباندىققا شالىنعان ەتتى الۋعا ءوتىنىش بەرۋگە بولادى. سونىمەن بىرگە، ەركىنبەك شوقاي اتاپ وتكەندەي، اكىمدىك جانىندا ءوتىنىش بەرگەنىنە قاراماستان، كومەك كورسەتىلەتىن مۇقتاج ادامدار ءتىزىمى بار.

قۇرباندىق شالۋ ءراسىمىن جۇرگىزۋگە ءوتىنىش بەرۋ جانە مۇقتاج، از قامتىلعان قالا تۇرعىندارىنىڭ ەت الۋعا ءوتىنىش قالدىرۋى سايت ارقىلى 24 شىلدەدەن 30 شىلدەگە دەيىن جۇرگىزىلەدى. بۇل جوبانى جۇزەگە اسىرۋ ءۇشىن الماتىدا ارنايى شتاب جۇمىس ىستەيدى.

قوسىمشا اقپارات الۋ ءۇشىن بايلانىس ءنومىرى:

+7 (7172) 33 30 30