"سك-فارماسيا" ج ش س باسقارما ءتوراعاسى ەرحات ەسقالييەۆ جاڭا قىزمەتتە قانشا جالاقى الاتىنىن ايتتى. بۇل تۋرالى ول ورتالىق كوممۋنيكاسيالار قىزمەتىندە وتكەن ونلاين بريفينگتە حابارلادى.

– جالاقىما قاتىستى ايتار بولسام، مەنىڭ جالاقىم 750 مىڭ تەڭگەدەن باستالادى. ءبىراق قىزمەتكە كەلگەنىمە ءبىر اي دا بولعان جوق. جاقىن ارادا كەڭەس وتەدى. سول جەردە جالاقىنىڭ كولەمى بەلگىلەنەدى، – دەدى ەرحات ەسقالييەۆ.

ول اكىمشىلىك شىعىندارعا بايلانىستى جۇمىس توبىن قۇرعانىن اتاپ وتتىك.

– ءقازىر ەسەپ-قيساپتى اياقتاپ قالدىق. جالداۋ شىعىندارىن 10 پايىزعا، جالعا الىناتىن الاڭدار كولەمىن 20 پايىزعا دەيىن قىسقارتۋ جوسپارلانىپ وتىر. جىل سوڭىنا دەيىن "سك-فارماسيا" شىعىندارىن 200 ملن تەڭگەگە دەيىن تومەندەتۋ كوزدەلگەن. دەگەنمەن، بۇل سوڭعى سيفر ەمەستىگىن اتاپ وتكىم كەلەدى. جۇمىستى جالعاستىرىپ جاتىرمىز. بىزگە شىعىنداردى ۇلعايتپاي جەدەل قور قۇرۋ، جەكە نارىق جانە گۋمانيتارلىق جۇك سىندى قوسىمشا قىزمەتتەر جۇكتەلىپ وتىر. ءبىز بارىنشا ءتيىمدى جۇمىس ىستەۋگە تىرىسامىز، – دەدى ول.

ەرحات ەسقالييەۆ 12 شىلدە كۇنى "سك-فارماسيا" ج ش س باسقارما ءتوراعاسى قىزمەتىنە تاعايىندالعان بولاتىن. بۇعان دەيىن اتالعان قىزمەتتى بەرىك ءشارىپ اتقارىپ كەلگەن.

"سك-فارماسيا" ج ش س باسشىسى مالىمەتىنە سايكەس، قىزمەتكەرلەردىڭ جالاقى مولشەرىن تومەندەگىدەي:

– مەنەدجەردىڭ پوزيسياسى – 200 000 تەڭگەدەن باستاپ؛
– باس مەنەدجەردىڭ پوزيسياسى – 350 000 تەڭگەدەن باستاپ؛
– اكىمشىلىك-باسقارۋ پەرسونالىنىڭ پوزيسياسى – 450 000 تەڭگەدەن باستاپ؛
– باسقارما مۇشەلەرىنىڭ، ونىڭ ىشىندە باسقارما ءتوراعاسىنىڭ پوزيسياسى – 750 000 تەڭگەدەن باستاپ.