دەنساۋلىق ساقتاۋ مينيسترلىگى قازاقستاننىڭ شەتەلدەن كەلەتىن يمپورتقا تاۋەلدى ەكەنىن ايتتى. بۇل تۋرالى دەنساۋلىق ساقتاۋ ۆيسە-مينيسترى ليۋدميلا بۇيرابەكوۆا ونلاين-بريفينگتە ءمالىم ەتتى، دەپ حابارلادى tengrinews.kz.

– اقپاندا ماسكانىڭ باعاسى 15 تەڭگە بولعان، ءبىراق بۇل كەزدە پاندەميا ءورشىپ تۇرعان ەدى. بارلىق ەل، سونىڭ ىشىندە قازاقستان دا جەكە قورعانىس قۇرالدارىن سىرتقا شىعارۋدى توقتاتتى. ءبىراق ءبىز يمپورتقا، قىتايدان اكەلىنگەن شيكىزاتقا تاۋەلدىمىز. سول كەزدە شيكىزات قولجەتىمسىز ەدى، ال وندىرۋشىلەر مەديسينالىق ۇيىمدارمەن كەلىسىم-شارت بويىنشا جۇمىس ىستەدى. سول ۋاقىتتا شىنىمەن بەتپەردەگە تاپشىلىق بولدى. سوندا ءبىز سىم-مەن بىرگە پروسەستەردى اۆتوماتتاندىرۋ ءۇشىن جابدىق اكەلۋگە كومەكتەستىك.

بۇدان باسقا، ءبىرىڭعاي ديستريبيۋتور ۇزاق مەرزىمدى شارتتار كونكۋرسىنىڭ قورىتىندىسىن شىعاردى. بىزدە ماسكا وندىرۋشىلەردىڭ سانى ارتتى. مەملەكەت بەتپەردە باعاسىن رەتتەمەيدى. ال توتەنشە جاعداي رەجيمىندە مەملەكەتتىك كوميسسيا نارىقتاعى باعانى تۇراقتاندىرۋ ءۇشىن عانا شەكتى باعانى بەلگىلەگەن بولاتىن. وندا دا الىپساتارلار بولعان. سوندىقتان باعانى 118 تەڭگە قىلۋ شەشىمى قابىلداندى، – دەدى ۆيسە-مينيستر.