تۇركىستان وبلىسى كەلەس اۋدانىنىڭ باسپا ءسوز قىزمەتى قازاقستان تۋىنا تۇيرەۋىشپەن ءدارى تامىزعىش ءىلىپ، ەم الىپ جاتقان ايەلدىڭ ۆيدەوسىنا قاتىستى پىكىر ءبىلدىردى.
وقيعا تۇركىستان وبلىسى كەلەس اۋدانىنا قاراستى اباي اۋىلىنداعى ساز مەكتەبىندە بولعان.
"سارىاعاش اۋدانىنىڭ تۇرعىنى ل.دارحانبايەۆا Facebook جەلىسىندەگى پاراقشاسىنا 2020 جىلدىڭ 6 تامىز كۇنى ساعات 13:50-دە كەلەس اۋدانى اباي اۋىلىندا ورنالاسقان ساز مەكتەبى باسشىسىنىڭ مىندەتىن ۋاقىتشا اتقارۋشى ز.ۋمارگازييەۆانىڭ مەملەكەتتىك تۋدى قورلاعانى تۋرالى جازبا جاريالاعان.
اباي بالالار ساز مەكتەبى ديرەكتورىنىڭ مىندەتىن ۋاقىتشا اتقارىپ وتىرعان ز.ۋمارگازييەۆا 2020 جىلعى 6 تامىز كۇنى ساعات 11:00-لەر شاماسىندا اباي بالالار ساز مەكتەبى عيماراتىنىڭ باسشىسى بولمەسىندە ق ر مەملەكەتتىك تۋعا اسپالى دارىلەردى تۇيرەگىشپەن تۇيرەپ ءىلىپ قويىپ سالدىرىپ وتىرعان. ونى اباي بالالار ساز مەكتەبىنىڭ كاسىپوداق ۇيىمىنىڭ ءتوراعاسى ە.اسانوۆ ەسىمدى ءمۇعالىمى ۇيالى تەلەفونىنىڭ بەينە كامەراسىنا ءتۇسىرىپ، الەۋمەتتىك جەلىگە سالعان بولاتىن.
وسىعان سايكەس، كەلەس اۋدانى ءبىلىم ءبولىمى باسشىسىنىڭ 02.06.2020 جىلعى №115-ج/ق بۇيرىعىمەن اباي بالالار ساز مەكتەبى ديرەكتورىنىڭ مىندەتىن ۋاقىتشا اتقارىپ وتىرعان ز.ۋمارعازييەۆادان بولعان جاعدايلارعا بايلانىستى تۇسىنىكتەمە الىندى.
بەرگەن تۇسىنىكتەمەگە سايكەس اباي بالالار ساز مەكتەبى ديرەكتورىنىڭ مىندەتىن ۋاقىتشا اتقارىپ وتىرعان ز.ۋمارگازييەۆا قازىرگى ۋاقىتتا كەلەس اۋدانى ءبىلىم ءبولىمىنىڭ 06.08.2020 جىلعى №158 ج/ق بۇيرىعىمەن اتقارىپ وتىرعان لاۋازىمىنان بوساتىلدى" دەلىنگەن مالىمدەمەدە.
وقي وتىرىڭىز
♦"سىيلامايسىز با". كەلەستىك باسشى مەملەكەتتىك تۋعا ءدارى تامىزعىش ءىلىپ قويعان (ۆيدەو)
