"قازاقفيلم" كينوستۋدياسىنداعى ورتتەن شامامەن 50 ملن تەڭگەگە جۋىق شىعىن كەلگەن. بۇل تۋرالى كينوستۋديانىڭ ينستاگرامداعى پاراقشاسىندا حابارلاندى.
ءورت شىعۋ دەرەگى بويىنشا الماتى قالالىق ىشكى ىستەر دەپارتامەنتى قىلمىستىق ءىس قوزعاعان.
كينوستۋديا اكىمشىلىك ىشكى تەكسەرۋ جۇمىستارىن جۇرگىزىپ جاتقانىن حابارلادى.
"ءورت ەڭ الدىمەن ورمان قويماسىنىڭ اشىق اۋماعىندا باستالعان. شامامەن 20 مينۋتتان كەيىن "قازاق حاندىعى" تاريحي ءفيلمى ءۇشىن جاسالعان "شايبان شاحتىڭ ىشكى اۋلاسىنان" ءورت شىققان. بۇل اعاش قۇرىلىم العاشقى وشاقتان 300 مەتر قاشىقتىقتا ورنالاسقان. وت شىققان قويمادا جانعىش ماتەريالداردىڭ بولماۋى مەن وعان ەلەكتر توعىنىڭ تارتىلماۋى ءورتتىڭ وزدىگىنەن شىعۋ فاكتىسىن جوققا شىعارادى. قازىرگى ۋاقىتتا ءورتتىڭ الدىن الا شىعىنى 48 981 130 تەڭگەنى قۇرايدى. ەسەپتەۋلەر جالعاسۋدا" دەلىنگەن الەۋمەتتىك جەلىدەگى جازبادى.
پىكىر قالدىرۋ