بۇگىنگى كۇنى تەحنولوگيالىق پروگرەسستىڭ دامۋىنا بايلانىستى سيفرلاندىرۋ ەكونوميكانى ىلگەرىلەتۋدە ماڭىزدى ءرول وينايدى. "سيفرلىق قازاقستان" مەملەكەتتىك باعدارلاماسى اياسىندا وبلىستىڭ اۋماعىندا سيفرلىق جوبالار بارلىق باعىتتا جۇزەگە اسىرىلۋدا. بۇگىنگى كۇنى شىعىس قازاقستاندا ەكى IT-ورتالىق جۇمىس ىستەيدى. ونىڭ ءبىرى جوعارى پوليتەحنيكالىق كوللەدجدە ورنالاسسا، ەكىنشىسى ەلەكتروتەحنيكالىق كوللەدجدە. وندا ستۋدەنتتەر ءبىلىم الىپ، وقىتۋشىلار تاجىريبەدەن وتەدى. شقو-داعى 648 مەكتەپتە IT-كلاسس بار. اتالمىش سىنىپتار تەرەڭدەتىلگەن سيفرلىق باعدارلاما بويىنشا ىسكە قوسىلعان. الەمدىك ستاندارتتارعا ساي جابدىقتالعان. جىل سايىن وبلىستىق چەمپيوناتتار مەن ىت-حاكاتون ۇيىمداستىرىلادى. "Jastar time” يننوۆاسيالىق ورتالىعى اشىلدى.
COVID-19 پاندەمياسىنا بايلانىستى قاشىقتىقتان وقىتۋ digitalkz.kz پورتالىندا جۇزەگە اسىرىلدى. 21 مىڭنان استام ادام وقىپ شىقتى. شالعايداعى ەلدى مەكەن تۇرعىندارى ءۇشىن 11 ەلەكتروندى قىزمەت كورسەتۋ ورتالىعى اشىلدى. ال اعىمداعى جىلدىڭ 1 قىركۇيەگىنە دەيىن ءدال وسىنداي 3 ورتالىق اشىلادى. سيفرلىق وقىتۋدىڭ قورتىندىسى بويىنشا ەلەكتروندى قىزمەتتەردىڭ ۇلەسى ارتتى. حالىققا كورسەتىلگەن قىزمەت 2019 جىلمەن سالىستىرعاندا 6% كوبەيدى.
وڭىرلىك ەلەكتروندى قىزمەت كورسەتۋ ورتالىعى بيزنەس سالاسى بويىنشا كورسەتىلەتىن 6 قىزمەتتىڭ ءموبيلدى نۇسقاسىن ىسكە قوستى. وبلىس بويىنشا 565 وز-وزىنە قىزمەت كورسەتۋ بۇرىشى اشىلدى. وندا 476 مىڭنان استام قىزمەت كورسەتىلدى. كۆي پاندەمياسى كەزىندە حقكو قاشىقتىقتان قىزمەت كورسەتۋگە كىرىسكەندە وز-وزىنە قىزمەت كورسەتۋ بۇرىشتارى ارقىلى 30 مىڭنان استام ەلەكتروندى قىزمەت كورسەتىلىپ، 2،5 مىڭ سيفرلىق كىلت جاسالىپ، 746 ادام ءموبيلدى ازامات بازاسىنىڭ قوسىمشاسىنا تىركەلدى. ق ر بعم ۇببق-نىڭ ىشكى جۇيەسى بويىنشا قوسىمشا 5 مەملەكەتتىك قىزمەتتى اۆتوماتتاندىرۋ، 7 بيزنەس پروسەسسىن وڭتايلاندىرۋ مەن "ەلەكتروندى ۇكىمەت" ۆەب پورتالى ارقىلى 20 قىزمەتتى ينتەگراسيالاۋ جوسپارلانۋدا. 2019 جىلدىڭ قورتىندىسى بويىنشا "اقىلدى قالا" رەيتينگى بويىنشا شىعىس قازاقستان 12 ورىندى (45% جەتىستىكپەن) يەلەندى. 2020 جىلعى جوسپارعا سايكەس 80% كەم بولماي، العاشقى جارتىجىلدىقتىڭ قورتىندىسى 61% قۇراپ وتىر.
"قالانى باسقارۋ" جوباسى اياسىندا ۆەدومستۆا ارالىق ءبىرىڭعاي سيتۋاسيالىق ورتالىق قۇرىلىپ، كەشەندى اقپاراتتىق جۇيەنىڭ بىرلەسۋىنە، جول ءجۇرۋ قاۋىپسىزدىگىن قامتاماسىز ەتۋگە، كولىك، الەۋمەتتىك نىساندار، شۇعىل جانە كوممۋنالدى قىزمەتتەر، گەواقپاراتتار جۇيەسى سىندى ادام ءومىرىنىڭ ساپاسىن ارتتىرۋعا مۇمكىندىك بەردى. اعىمداعى جىلدىڭ 7 ايىندا ورتالىق قىزمەتتەرى 150 مىڭ قوڭىراۋ قابىلدادى. تج كەزىندە سيتۋاسيالىق ورتالىق بازاسىندا رۇقسات.كز پورتالى ىسكە قوسىلىپ، اۆتوكولىكتەرگە رۇقساتناما بەرۋ وتىنىشتەرى قابىلداندى. "سەرگەك-بلوكپوست" مالىمەتتەر بازاسى مەن "سەرگەك-پاترۋل" مەن ينتەراكتيۆتى سيفرلىق كارتا ىسكە قوسىلىپ، الەۋمەتتىك نىساندارعا تالداۋ جاسالدى. رۇقساتناما بەرۋ ۋاقىتى ءبىر كۇننەن 10 مينۋتقا دەيىن قىسقارتىلدى.
وبلىس اكىمىنىڭ سيتۋاسيالىق ورتالىعىندا ءبىرىڭعاي ينتەگراسيالىق 11 سەرۆيس قۇرىلدى. وندا ازاماتتاردىڭ وتىنىشتەرى قاراستىرىلدى. بۇگىنگى كۇنگە دەيىن 45 مىڭنان استام ءوتىنىش تىركەلدى.
ايماقتا بوس جاتقان جەر اۋماقتارىن كورۋگە ارنالعان 24 سيفرلىق قاباتتان تۇراتىن گەواقپاراتتىق پورتال ىسكە قوسىلدى. وندا سۋ نىساندارى، سۋ قورعاۋ اۋماقتارى، ينجەنەرلىك كوممۋنيكاسيالار، جەر اۋماقتارى كورسەتىلگەن. پورتالدا وسكەمەن، سەمەي، ريددەر، اياگوز، شەمونايحا، سەرەبريانكا، زايسان، التاي سيفرلاندىرىلعان. ەلەكتروندى پورتال اشىق قولدانىسقا بەرىلگەن. ونى www.vkomap.kz كورۋگە بولادى.
وسكەمەندە فوتوۆيدەوفيكساسيالاۋ جانە ۆيدەو ساراپتاما جاساۋ جوباسى اياسىندا 4 مىڭعا جۋىق سەرگەك كامەراسى ىسكە قوسىلدى. كامەرالار 159 قيىىس پەن اۋماقتا ورىن العان زاڭبۇزۋشىلىقتاردى جازىپ وتىرادى. اعىمداعى 2020 جىلى اتالمىش كامەرالاردىڭ كومەگىمەن 5092 اكىمشىلىك قۇقىقبۇزۋشىلىق انىقتالىپ، 84 قىلمىستىق ءىس قوزعالدى. قوعامدىق ورىندارداعى قىلمىس 37%، قالا كوشەلەرىندە 41%، جكا 36% تومەندەدى. كەشەندى تالداۋدىڭ ناتيجەسىندە ازاماتتاردىڭ سەنىمى ارتتى.
وبلىستاعى دەنساۋلىق ساقتاۋ سالاسىنىڭ 99% دەنساۋلىق ساقتاۋدىڭ ەلەكتروندى پاسپورتىمەن قامتاماسىز ەتىلدى. تۇرعىنداردىڭ 77% ءموبيلدى قوسىمشا ارقىلى كومەككە جۇگىنەدى. "DamuMed” پلاتفورماسىندا قاشىقتىقتان "پاسيەنتتەردى ونلاين قابىلداۋ" جۇرگىزىلەدى. سيفرلىق قىزمەت مونيتورينگى وبلىستاعى قالالار مەن اۋداندار دا ىسكە قوسىلدى. وسى ارقىلى پروۆيزورلىق جانە ينفەكسيالىق ستاسيونارداعى جاعدايدى باقىلاپ، پسر، كت مەن رەنتگەن بويىنشا جاسالعان زەرتتەۋ جۇمىستارىن قاراۋعا بولادى.
سەمەيدە ەلەكتروندى جولاقى تولەۋ ماقساتىندا "Avtoby's”جۇيەسى ىسكە قوسىلدى.
"Bus Report” باعدارلاماسى بويىنشا ءاربىر اۆتوبۋستىڭ باعىتىن باقىلاۋعا بولادى. 2020 جىلدىڭ قازان ايىنا دەيىن وسكەمەندەگى قوعامدىق كولىكتەردە ديسپەچەرلىك اقپاراتتىق ءمودۋلدىڭ كومەگىمەن جولاقى تولەۋدى اۆتوماتتاندىرۋ جوسپارلانۋدا.
سيفرلاندىرۋ جۇمىسى ۇنەمى باقىلاۋدا ۇستالىنۋدا. شىعىس قازاقستاندا 2022-2025 جىلدار ارالىعىندا سيفرلاندىرۋدىڭ ساۋلەتتىك باعدارلاماسى جاسالىنباق.
