بۇل وڭىردەگى كۇنباعىستى وڭدەۋگە 100% مۇمكىندىك بەرىپ، جاڭا جۇمىس ورىندارىن اشىپ، وبلىستاعى ماي داقىلدارىنىڭ ءتۇر-تۇرىن كوبەيتۋگە سەپتىگىن تيگىزەدى.
سەمەيدەگى ماي ەكستراسيالاۋ زاۋىتىنىڭ قۋاتتىلىعى كۇنىنە 1000 توننا كۇنباعىستى وڭدەۋگە جەتەدى.
بۇدان بولەك گلۋبوكوە اۋدانىنداعى ەكى ءىرى سەح پەن شەمونايحا اۋدانىنداعى قايتا وڭدەۋ كاسىپورىنى قولدانىسقا بەرىلمەك. بۇل شىعىس قازاقستانداعى ەگىن القاپتارىنىڭ ساپاسىن قايتا قاراۋ كەرەكتىگىن بىلدىرەدى. ايماق باسشىسى دانيال احمەتوۆ وبلىستىق اۋىل شارۋاشىلىعى باسقارماسىنا اۋىل شارۋاشىلىعى ونىمدەرىن وندىرۋشىلەرمەن بىرلەسىپ، قىسقا ۋاقىت ىشىندە ماي داقىلدارىنىڭ ەگىستىك القابىن ارتتىرۋدىڭ جوسپارىن جاساۋدى تاپسىردى. جوسپارعا كۇنباعىستان بولەك، سويا، راپس جانە زىعىر سىندى تاعى باسقا داقىلدار كىرۋى كەرەك. ماي داقىلدارىنىڭ مۇنداي ءتۇرى شىعىس قازاقستاندا كوبىرەك پايدالانىلمايدى. ءبىراق قولعا الىنىپ جاتقان شارالار كەشەنى وڭىردەگى ماي داقىلدارىن وڭدەۋ ءىسىن وڭ جولعا قويادى.
بۇگىندە ەلىمىزدە وندىرىلەتىن كۇنباعىس ءونىمىنىڭ 66% شىعىس قازاقستاننىڭ ۇلەسىندە ەكەنىن ايتا كەتكەن ورىندى. ماي داقىلدارىنىڭ 23% قۇرايدى. بۇل ساندى ارتتىرىپ، مايدىڭ تۇرلەرىن شىعارۋ ءوز قولىمىزدا. سالىنىپ جاتقان كاسىپورىندار التاي ايماعىنان ەكسپورتقا جايىن ونىمدەردى شىعارۋعا مۇمكىندىك بەرەدى.
- اۋىل شارۋاشىلىعى ونىمدەرىنىڭ تيىمدىلىگىن ارتتىرۋ كەرەك، - دەدى دانيال احمەتوۆ. - سويا، جۇگەرى سىندى ونىمدەردىڭ القابىن كوبەيتۋ قاجەت. 2025 جىلعا قاراي ءبىز سويا القابىن 7 ەسە، جۇگەرى القابىن 5 ەسەگە ارتتىرۋدى جوسپارلاپ وتىرمىز.
وڭىردە اۋىل شارۋاشىلىعى ونىمدەرىن دامىتۋدىڭ كەشەندى جوسپارى جۇزەگە اسىرىلۋدا. سوندىقتان ەگىس القاپتارىنىڭ اۋماعىن ساۋاتتى تۇردە ءبولىپ، زاماناۋي وڭدەۋ تەحنولوگياسىن ەنگىزىپ، نارىق تالابىنا ساي كەلەتىن ءونىم شىعارۋ كەرەك. شىعىس قازاقستانداعى اگروونەركاسىپ كەشەنى جوعارى پوتەنسيالعا يە. ونى ءارى قاراي دامىتۋعا بار كۇشىمىزدى سالۋ كەرەك.
پىكىر قالدىرۋ