بۇل مەملەكەتتىك باعدارلامالاردىڭ جەمىسى. سوعان بايلانىستى جىل سايىن ءجۇز مىڭ شارشى مەتر جەر پايدالانۋعا بەرىلۋدە.
اعىمداعى جىلى "جۇمىسپەن قامتۋدىڭ جول كارتاسى-2020" باعدارلاماسى اياسىندا 30 جىلدا ءبىرىنشى رەت شىعىس قازاقستانداعى كاتونقاراعاي اۋدانىندا جەتى كوپقاباتتى تۇرعىن ءۇي سالىنۋدا. وسى ماقساتتا 200 ميلليون تەڭگەدەن استام قاراجات ءبولىندى. كوپقاباتتى تۇرعىن ءۇيدىڭ قۇرىلىسىنا قاجەتتى قارجىنىڭ بولىگىن ينۆەستورلار جابادى. ناتيجەسىندە كوپبالالى وتباسىلاردىڭ باسپانا ماسەلەسى شەشىلەدى. كوپقاباتتى تۇرعىن ۇيلەردىڭ قۇرىلىسى جاڭا جۇمىس ورنىن اشۋعا، كوپبالالى وتباسىلاردىڭ باسپانالى بولۋىنا مۇمكىندىك بەرەدى. ايماق باسشىسى دانيال احمەتوۆتىڭ ايتۋىنشا، اعىمداعى جىل سوڭىنا دەيىن شىعىس قازاقستان وبلىسىنداعى 562 كوپبالالى وتباسى تۇرعىن ۇيمەن قامتاماسىز ەتىلەدى.
جالپى، وڭىردەگى تۇرعىن ءۇي قۇرىلىسى جىل سايىن قارقىندى جۇرگىزىلۋدە. مەردىگەرلەردىڭ جۇمىسىنا باقىلاۋ كۇشەيتىلدى. اعىمداعى جىلى 77 ءۇي قولدانىسقا بەرىلەدى دەپ جوسپارلانۋدا.قۇرىلىس 118 اۋماقتا جۇرگىزىلۋدە. بۇل التى جارىم مىڭ پاتەردى قۇرايدى. الداعى ەكى جىلدا 93 كوپقاباتتى تۇرعىن ءۇي سالۋ جوسپارلانىپ وتىر. بيىلعى جانە كەلەسى جىلعى ەسەپتى الا وتىرىپ، وبلىستىق بيلىك بارلىق قارجى كوزدەرىن تارتىپ، ءبىر ميلليون شارشى مەتر تۇرعىن ءۇي سالماق. مۇنداي كورسەتكىش ەلىمىز تاۋەلسىزدىك العالى بەرى شقو-دا بولماعان.
كوپقاباتتى تۇرعىن ءۇي سالۋدان بولەك، وسكەمەن مەن سەمەيدەگى ينجەنەرلىك-كوممۋنالدىق جەلىلەر تارتىلعان اۋماقتارعا دا جەكە قۇرىلىس سالۋعا كوڭىل بولىنۋدە. وسى ماقساتتا تۇرعىن ءۇي كەزەگىندە تۇرعان جانداردى قولداۋعا مۇمكىندىك جاسالۋدا. وڭىردەگى ەكى ءىرى قالادا "ءبىرقاباتتى شىعىس" جوباسى جۇزەگە اسىرىلۋدا. وتباسى تۇرعىن ءۇيدىڭ جوباسىنا قينالماي، بيلىك وكىلدەرى ۇسىنعان بىرنەشە جوبانىڭ بىرەۋىن تاڭداي الادى. بۇل تۇرعىن ءۇي كەزەگىن ازايتۋعا مۇمكىندىك بەرەدى. بۇگىندە وڭىرىمىزدە جەكە جانە كوپقاباتتى تۇرعىن ۇيلەر سالۋعا بارلىق جاعداي جاسالعان.
پىكىر قالدىرۋ