شقو-دا يوگۋرتتىڭ جاڭا ءتۇرى ءوندىرىلىپ، جۇمساق جانە قاتتى ىرىمشىك، سونداي-اق پىسكەن ءسۇت ونىمدەرىنەن ءداستۇرلى ەمەس ونىمدەر شىعارىلادى. بۇل كورشى وڭىرلەردەن يمپورتتالاتىن ونىمدەردىڭ نارىقتاعى تاپشىلىعىن جويۋعا مۇمكىندىك بەرەدى.
شىعىس قازاقستانداعى ءسۇت شارۋاشىلىعى سوڭعى جىلدارى قارقىندى دامۋدا. ءسويتىپ، ەلىمىزدەگى ءسۇت تاۋارلارىن شىعارۋ ءىسى بويىنشا كوشباسشى اتانۋعا مۇمكىندىك بەردى.
ءبىزدىڭ وندىرۋشىلەردىڭ تاۋارلارى شىعىس قازاقستاندا عانا ەمەس، باسقا وڭىرلەردە دە، الماتى مەن نۇر-سۇلتاندا ساتىلىمعا شىعارىلىپ، تۇتىنۋشىلاردىڭ كوڭىلىنەن شىقتى. سوڭعى بەس جىل ىشىندە حالىقتان ءسۇت جيناۋ 17 ەسەگە ارتىپ، تابيعي ەكۆيۆالەنت كورسەتكىشى 13 ەسەگە كوبەيدى. مۇنداي كورسەتكىشكە قول جەتكىزۋگە ءسۇت-تاۋارلى سالاعا قۇيىلعان تۇراقتى ينۆەستيسيا سەپتىگىن تيگىزدى. الداعى ۋاقىتتا بۇل باعىتتاعى جۇمىستار جالعاسىن تابادى. ايماق باسشىسى دانيال احمەتوۆتىڭ ايتۋىنشا، بيىل وڭدەۋمەن اينالىساتىن كاسىپورىنداردىڭ 87% 153 مىڭ توننا ءسۇت وڭدەيدى دەپ جوسپارلانىپ وتىر.
ايتا كەتەيىك، بەس جىل بۇرىن جيناۋ 29% بولعان.
تۇرعىندارمەن ساۋاتتى جۇمىس جۇرگىزىلىپ، ءسۇت كووپەراتيۆتەرى قۇرىلىپ، زاماناۋي جانە كلاسسيكالىق ۇلگىدەگى ءسۇت-تاۋارلى فەرمالار قۇرىلىپ، جوعارى تەحنولوگيالىق قۇرالدار ەنگىزىلگەن سوڭ بۇل كورسەتكىشش 3 ەسەگە ارتتى. بۇگىندە ءسۇتتى مال ۇستاۋ ءتيىمدى ەكەنىن حالىق ۇقتى.
جۇرگىزىلگەن تالداۋدىڭ ناتيجەسىندە 22 ميلليارد تەڭگە حالىقتىڭ قاجەتتىلىگىن جابۋعا جەتپەيتىنى انىقتالدى. ويتكەنى دۇكەن سورەسىندە جەرگىلىكتى وندىرۋشىلەردىڭ ونىمدەرىمەن قاتار كورشىلەس ايماقتار مەن رەسەي فەدەراسياسىنان كەلگەن ونىمدەر تولىپ تۇر. سوندىقتان باستى مىندەت يوگۋرت پەن ىرىمشىكتىڭ تۇرلەرىن ءوندىرۋدى ارتتىرۋعا اكەپ تىرەلەدى. باسقا ونىمدەردى ورتاشا ەسەپپەن 15 ميلليارد تەڭگەگە. بۇل ءۇشىن جىل سايىن قوسىمشا 228 مىڭ توننا ءسۇت پعن وڭدەۋ ءىسىنىڭ كولەمىن ەكى جارىم ەسەگە ارتتىرۋ كەرەك.
كوزدەگەن ماقساتقا قول جەتكىزۋ ءۇشىن بەس جىل بۇرىن قولعا الىنعان مىندەتتى ەستەن شىعارماۋ قاجەت. ءسۇت-تاۋارلى فەرمالاردى سالۋعا كوڭىل ءبولىنۋى كەرەك. ماسەلەن، بيىل 2 ستف (الداعى ۋاقىتتپ 6 ستف) سالىندى. جوسپارعا سايكەس 5 ءسۇت قابىلداۋ پۋنكتىنىڭ 4ء-ى اشىلدى.
شىعىس قازاقستاندا ءسۇتتى باعىتتاعى اۋىل شارۋاشىلىعى سالاسىن دامىتۋ باعدارلاماسىنىڭ كورسەتكىشى جامان ەمەس. ءوڭىر جوعارى ساپالى تابيعي ءسۇت ونىمدەرىمەن ءوڭىر تۇرعىندارىن عانا ەمەس، قازاقستاننىڭ وزگە وبلىستارىن دا قامتاماسىز ەتە الادى.
پىكىر قالدىرۋ