قازاقستان ۇلتتىق ۇلانى باس قولباسشىسىنىڭ ورىنباسارى مۇحامەتقالي ساتوۆ قايتىس بولدى. بۇل تۋرالى ۆەدومستۆونىڭ رەسمي سايتى جاريالادى.
"قازاقستان رەسپۋبليكاسى ۇلتتىق ۇلانىنىڭ باس قولباسشىلىعى، اسكەري جانە ارداگەرلەر كەڭەسى ۇلتتىق ۇلان باس قولباسشىسىنىڭ تاربيە جانە الەۋمەتتىك-قۇقىقتىق جۇمىستار جونىندەگى ورىنباسارى گەنەرال-مايور ساتوۆ مۇحامەتقالي قۇسايىن ۇلىنىڭ مەزگىلسىز قايتىس بولۋىنا بايلانىستى مارقۇمنىڭ تۋعان-تۋىستارىنىڭ قايعىسىنا ورتاقتاسىپ كوڭىل ايتادى" دەلىنگەن حابارلامادا.
مۇحامەتقالي قۇسايىن ۇلى 1961 جىلى 29 ماۋسىمدا قاراعاندى قالاسىندا دۇنيەگە كەلگەن.
1978-1982 جىلى كسرو ءىىم نوۆوسىبىردەگى جوعارى اسكەري ۋچيليششەسىن، 2013 جىلى كوكشەتاۋ قالاسىنداعى ا.مىرزاحمەتوۆ اتىنداعى ۋنيۆەرسيتەتتە مەملەكەتتىك جانە جەرگىلىكتى باسقارۋ ماماندىعى بويىنشا ءبىلىم العان.
1999-2001 جىلدارى ءىىم ىشكى اسكەرلەر قولباسشىلىعى باس باسقارماسىنىڭ اسكەري كەڭەس حاتشىسى، 2005 جىلدان 2013 جىلدىڭ مامىرىنا دەيىن – قازاقستان رەسپۋبليكاسى ءىىم ىشكى اسكەرلەرىنىڭ كوميتەتى – ىشكى اسكەرلەر باس قولباسشىلىعىنىڭ تاربيە جانە الەۋمەتتىك-قۇقىقتىق جۇمىستار باس باسقارماسىنىڭ باستىعى، 2013 جىلدىڭ 25 مامىرى مەن 2014 جىلدىڭ مامىرى ارالىعىندا قازاقستان رەسپۋبليكاسى ءىىم ىشكى اسكەرلەر باس قولباسشىسىنىڭ تاربيە جانە الەۋمەتتىك-قۇقىقتىق جۇمىستار جونىندەگى ورىنباسارى، 2014 جىلدىڭ 20 مامىرىنان باستاپ قازاقستان رەسپۋبليكاسى ۇلتتىق ۇلانى باس قولباسشىسىنىڭ تاربيە جانە الەۋمەتتىك-قۇقىقتىق جۇمىستار جونىندەگى ورىنباسارى قىزمەتتەرىن اتقارعان.
قازاقستان رەسپۋبليكاسى پرەزيدەنتىنىڭ 2016 جىلعى 5 مامىرداعى جارلىعىمەن "گەنەرال-مايور" شەنىن العان.
پىكىر قالدىرۋ