شىعىس قازاقستان وبلىسى اكىمدىگى مەن «ازاماتتارعا ارنالعان ۇكىمەتتىڭ» شقو بويىنشا فيليالى بىرلەسىپ، قىسقا ۋاقىت ىشىندە وسكەمەندە اۆتوماتتاندىرىلعان الاڭننىڭ مامانداندىرىلعان فيليالىن اشادى. بۇل تۋرالى شقو وڭىرلىك كوممۋنيكاسيالار قىزمەتىندە وتكەن بريفينگ بارىسىندا سيفرلىق دامۋ، يننوۆاسيالار جانە اەروعارىش مينيسترلىگىنە قاراستى «ادالدىق الاڭى» جوبالىق كەڭسەسىنىڭ جەتەكشىسى رافاەل گاسانوۆ ءمالىم ەتتى.
بريفينگ بارىسىندا رافاەل گاسانوۆ جەمقورلىقتىڭ 80 پايىزى اۆتوماتتاندىرىلماعان بولىمدەردە ورىن الاتىنىن اتاپ ءوتتى. سوندىقتان ول وسى باعىتتاعى جۇمىستاردى كۇشەيتۋدى تالاپ ەتتى.
– قازىرگى ۋاقىتتا كولىك قۇجاتتارىن بەرۋ ەكى كەزەڭنەن تۇرادى. ءبىرىنشى كەزەڭ فرونت كەڭسەدە وتەدى. ەكىنشى كەزەڭدە كولىك جۇرگىزۋشىلەر اۆتومەكتەپتەرگە بارىپ، تاجىريبەلەرىن كورسەتەدى، - دەدى رافاەل گاسانوۆ.
