شقو-نىڭ باس مەملەكەتتىك سانيتارلىق دارىگەرىنىڭ قاۋلىسىنا سايكەس وڭىردەگى حالىققا قىزمەت كورسەتۋ ورتالىقتارىنىڭ جۇمىسى 23 مامىردان باستاپ قايتا جانداندى. ازاماتتارعا ىڭعايلى بولۋ ءۇشىن حقكو-ى مەملەكەتتىك قىزمەت كورسەتۋدىڭ جاڭا فورماتىنا كوشتى. بۇل تۋرالى شقو وڭىرلىك كوممۋنيكاسيالار قىزمەتىندە وتكەن بريفينگ بارىسىندا «ازاماتتارعا ارنالعان ۇكىمەتتىڭ» شقو بويىنشا فيليال ديرەكتورى ازامات ەسەمبۋلوۆ ءمالىم ەتتى.
- شىعىسقازاقستاندىقتار 23 مامىردان باستاپ حقكو-نان ەلەكتروندى نۇسقادا قولجەتىمسىز قىزمەتتەردى الا الادى. ەستەرىڭىزگە سالا كەتەيىك، حقكو-نا كەلۋ ءۇشىن ورىندى برونداۋ كەرەك. بۇگىندە جاڭا فورمات بويىنشا سەمەي مەن وسكەمەندەگى حقكو مەن ارنايى حقكو جۇمىس ىستەيدى. ال اۋدان ورتالىقتارى ەش وزگەرىسسىز قىزمەت كورسەتەدى، - دەدى ازامات ەسەمبۋلوۆ.
مەملەكەتتىك قىزمەتتەردىڭ 80 پايىزى egov.kz پورتالىندا قولجەتىمدى. سونداي-اق كەيبىر قىزمەت تۇرلەرىن ەgovموbile مەن تەلەگرام-بوتتاعى eGovKzBot2.0 جانە Facebook پەن Vk الەۋمەتتىك جەلىلەرىنەن الۋعا بولادى. بريفينگكە قاتىسقان ازامات ەسەمبۋلوۆ وسىلاي دەدى.
- ازاماتتارعا ىڭعايلى بولۋ ءۇشىن اكىم اپپاراتىمەن بىرلەسىپ، وز-وزىنە قىزمەت كورسەتۋ بۇرىشتارىن اشىلدى. بۇگىنگى ەلەكتروندى ۇكىمەت پورتالىنا قوسىلعان ءدال وسىنداي 100 بۇرىش حالىققا قىزمەت كورسەتىپ تۇر، - دەدى ازامات ەسەمبۋلوۆ.
بريفينگكە سيفرلىق دامۋ، يننوۆاسيالار جانە اەروعارىش مينيسترلىگىنە قاراستى «ادالدىق الاڭى» جوبالىق كەڭسەسىنىڭ جەتەكشىسى رافاەل گاسانوۆ قاتىسىپ، «ازاماتتارعا ارنالعان ۇكىمەتتىڭ» شقو بويىنشا فيليالىنىڭ جۇمىسىنا وڭ باعاسىن بەردى.
- برونداۋ بويىنشا ماسەلە جوق. بارلىق سانيتارلىق-ەپيدەميولوگيالىق تالاپتار تولىق ساقتالاتىنىن بايقادىم. بۇعان دەيىن جارما، اياگوز، ءۇرجار اۋداندارىندا جۇمىس ساپارىمەن بولدىم. ول جاقتاعى اۋىلداردا سيفرلىق ساۋاتتىلىقتىڭ وڭ جولعا قويىلىپتى. ماسەلەن، اياگوز اۋدانىنداعى اقتوعاي، بارشاتاس اۋىلدارىندا وز-وزىنە قىزمەت كورسەتۋ بۇرىشتارىن اشىلعان ەكەن. مەن ءدال وسىنداي بۇرىشتاردى ءۇرجار اۋدانىندا اشۋ قاجەت. سونداي-اق ءۇرجار اۋدانىنداعى ينتەرنەت جەلىسىنىڭ جىلدامدىعىن ارتتىرۋ كەرەك، - دەدى رافاەل گاسانوۆ.
