تىكەلەي ەفير بارىسىندا ايماق باسشىسى دانيال احمەتوۆ 2020-2021 جىلعى وقۋ جىلىندا ارنايى مەكتەپتەردىڭ قالاي ىستەيتىنىن ءمالىم ەتتى.
بۇگىنگى كۇنى شىعىس قازاقستاندا 12 ارنايى ۇيىم بار. وندا 1633 بالا ءبىلىم الۋدا. سونىڭ ىشىندە 170 تاربيەلەنۋشى وقىپ جاتقان 3 مەكتەپ-ينتەرنات شتاتتىق رەجيمدە جۇمىسىن باستايدى. بارلىق سانيتارلىق قاۋىپسىزدىك شارالارى كۇشەيتىلەدى. ونىڭ ىشىندە شىعىس قازاقستان وبلىستىق جەتىمدەر مەن اتا-اناسىنىڭ قامقورلىعىنسىز قالعاندارعا ارنالعان ينتەرنات پەن ەرەكشە ءبىلىم بەرۋدى قاجەت ەتەتىن بالالاردىڭ مەكەمەسى جانە «اق نيەت» مەكتەپ-ينتەرناتى بار.
جالپى جيىنى 1463 بالا وقيتىن 9 مەكەمە قاشىقتىقتان جۇمىس ىستەيتىن بولادى. سونداي-اق بۇل مەكەمەلەردە كەزەكشى سىنىپتار اشىلادى.
پىكىر قالدىرۋ