ەستەرىڭىزگە سالا كەتەيىك، 2019 جىلدان بەرى اتالمىش كاسىپورىن بانكروتقا ۇشىراعان بولاتىن. ال 2020 جىلدىڭ 27 شىلدەسىنەن باستاپ سەمەي تەرى-بىلعارى كومبيناتىنىڭ جۇمىسى قايتا جانداندى.

كومبينات رەسپۋبليكاداعى ەسكپورتقا باعىتتايتىن تەرى وڭدەيتىن بىرەگەي نىسانداردىڭ ءبىرى. اتالعان كاسىپورىننىڭ قۇرامىندا ءۇش زاۋىت بار. ونىڭ ىشىندە، بىلعارى، قوي تەرىسىن وڭدەيتىن جانە تىگىن سەحى جۇمىس ىستەيدى. «قاراپايىم زاتتار ەكونوميكاسى» اياسىندا اتالمىش كومبينات نارىقتى دايىن تەرى-بىلعارى ونىمدەرىمەن قامتاماسىز ەتۋگە مۇمكىندىگى جەتەدى.

2019 جىلدىڭ 24 شىلدەسىندە كاسىپورىن بانكروت بولدى. 2019 جىلدىڭ قاراشا ايىندا سەمەي تەرى-بىلعارى كومبيناتىنىڭ جىلجىمايتىن مۇلىگى «قازاقستاننىڭ ينۆەستيسيالىق قورى» اق-نىڭ جەكەمەنشىك قۇقىعىنا بەرىلدى.

الايدا كاسىپورىن قازاقستانداعى مال شارۋاشىلىعىن دامىتۋ  سالاسىند ءىرى قارا مال تەرىسى مەن بىلعارى وڭدەيتىن جالعىز ءوندىرۋشى رەتىندە ماڭىزى ءرول اتقارادى.

كاسىپورىننىڭ بىلعارى ءوندىرۋ سالاسىن دامىتۋداعى ماڭىزىن ەسكەرگەن شقو اكىمدىگى يندۋستريا دانە ينفراقۇرىلىمدى دامىتۋ مينيسترلىگىمەن جانە قورمەن بىرلەسىپ، كومبينات جۇمىسىن جانداندىرۋ ءۇشىن ينۆەستور ىزدەپ، جاڭا جۇمىس ورىندارىن قۇرۋدى قولعا الدى.

2020 جىلدىڭ مامىرىندا «قازاقستاننىڭ ينۆەستيسيالىق قورى» اق مەنشىك يەسى «KustoGroup» حالىقارالىق كومپانياسىمەن كەيىن ساتىپ قۇقىعى بويىنشا كەلىسىمشارت جاساستى.

وسىلايشا، 2020 جىلدىڭ 27 شىلدەسىندە كاسىپورىن قايتا ىسكە قوسىلدى. بۇگىنگى كۇنى كاسىپورىنداعى ءتيىستى جۇمىستار اياقتالىپ، 3000 شارشى مەتردەن استام دايىن ءونىمنىڭ العاشقى پارتياسى شىعارىلدى.