بۇگىن ەلىمىز ۇلى ويشىل اباي قۇنانبايەۆتىڭ 175 جىلدىق مەرەيتويىن اتاپ وتۋدە. سوعان وراي شىعىس قازاقستان وبلىسىنداعى جالپى ورتا ءبىلىم بەرەتىن مەكتەپتەردىڭ 9 سىنىپ وقۋشىلارى «اباي شىعارماشىلىعىنىڭ قىرى مەن سىرى» اتتى ونلاين ساباققا قاتىستى.

اتالمىش شارا اياسىندا قازاقستاننىڭ اسا كورنەكتى اعارتۋشىسى اباي قۇنانبايەۆتىڭ عىلىم مەن مادەنيەتكە قوسقان ۇلەسى اشىپ كورسەتىلدى. بۇدان بولەك وعان قاتىسۋشىلار اباي قۇنانبايەۆتىڭ ءومىرى مەن شىعارماشىلىعى تۋرالى كوپ تاراماعان مالىمەتتەرمەن تانىستى.

دارىستەن سوڭ بالالار ۇلى اقىننىڭ شىعارماشىلىعىنا بايلانىستى سۇراقتاردان قۇرالعان كۆەستكە قاتىسىپ، بىلىمدەرىن شىڭدادى. وقۋشىلار كۆەستتەگى ساۋالدارعا ءۇش تىلدە جاۋاپ بەردى.

شارا بارىسىندا بالالار ابايدىڭ ءومىرى مەن شىعارماشىلىعىنا ارنالعان كىتاپپەن تانىستى. بالالار يننوۆاسيالىق تەحنولوگيالاردىڭ ارقاسىندا سمارتفوننىڭ كومەگىمەن 3D-نىسانداردى، ۆيدەو، اۋديو نىساندار مەن ۆيرتۋالدى تۋرلاردى تاماشالادى.

شارا سوڭىندا مەكتەپ وقۋشىلارى ۇيىمداستىرۋشىلارعا العىستارىن ءبىلدىرىپ، بولاشاقتا وسى ونلاين دارىستەن العان بىلىمدەرىن كادەگە جاراتىندارىن ءمالىم ەتتى.