شىعىس قازاقستان وبلىسىندا «راببىڭ ءۇشىن قۇربان شال!» اكسياسى اياسىندا 2000-نان استام وتباسىعا ەت ۇلەستىرىلدى

2 شىلدە  قۇربان ايتتىڭ اياقتالاتىن كۇنى. شەكتەۋ شارالارىنا سايكەس مەشىتتەر جابىق بولدى. الايدا قازاقستان مۇسىلماندارى ءدىني باسقارماسى Qurban2020.muftyat.kz سايتىن ىسكە قوسىپ، قۇرباندىقتى ونلاين شالۋعا مۇمكىندىك جاسادى. قۇرباندىق قاشىقتىقتان شالىندى. تاپسىرىس بەرۋشىلەرگە ەسەپ بەرىلدى.

جوبانى ىسكە اسىرۋ ءۇشىن ارنايى جۇمىس توبىس قۇرىلىپ، ۇلكەن جۇمىس اتقارىلدى. بۇگىنگى كۇنى قازاقستان مۇسىلماندارى ءدىني باسقارماسى شىعىس قازاقستان وبلىسىندا 2071 وتباسىعا قۇرباندىق مالدىڭ ەتى تاراتىلعانىن ءمالىم ەتتى. ەت ونىمدەرى قارتتارعا، جەتىمدەرگە، بالالار ءۇيى مەن اۋرۋحانالارعا ۇلەستىرىلدى. بارلىق سانيتارلىق تالاپتار ساقتالدى. كومەك العان جاندار العىستارىن ءبىلدىردى.

مەشىتتىڭ باس يمامى مەن ءبىرىنشى نايب يمامى داۋلەت قاجى تىلەۋحان ۇلى جىلى لەبىزدەرىن ءبىلدىردى:

 - بۇگىن، 2 تامىز كۇنى قۇربان ايتتىڭ سوڭعى كۇنى. ۆولونتەرلار مەن قمدب-نىڭ وسكەمەن ءوڭىرى بويىنشا يمامدارى قۇرباندىققا شالىنعان مال ەتتەرىن تاراتتى. سونداي-اق قالاداعى مۇقتاج وتباسىلارعا ازىق-تۇلىكتەر بەرىلدى. ايتا كەتەتىن ءبىر جايت، جاستار بۇل يگى ىسكە ءبىر كىسىدەي اتسالىستى.

 «راببىڭ ءۇشىن قۇربان شال!» اكسياسى اياسىندا Qurban2020.kz سايتىنان تۇسكەن وتىنىشتەرگە بايلانىستى وسكەمەن ءوڭىرى بويىنشا 1000-نان استام وتباسىعا ازىق-تۇلىك ۇلەستىرىلدى. 

- قر-نىڭ باس ءمۇفتيى ناۋرىزباي قاجى تاعان ۇلىنىڭ تاپسىرماسىمەن وسى اكسيا ۇيىمداستىرىلدى. ازىق-تۇلىكتەر تۇرعىنداردىڭ قولداۋىمەن جينالدى. ءبىز قۇرباندىق شالعان جاندار مەن قولدان كەلگەنشە كومەك كورسەتكەن بارشا اعايىنعا العىس ايتامىز. ءتاڭىرىم، ءبىزدىڭ دۇعالارامىز بەن قۇرباندىقتارىمىزدى قابىل ەتسىن، - دەدى قمدب-نىڭ وسكەمەن ءوڭىرىنىڭ ءىس باسقارۋشىسى بەرىك كادىروۆ.