شقو اكىمىنىڭ قۇرىلىس، ەنەرگەتيكا جانە تۇرعىن ۇي-كوممۋنالدىق شارۋاشىلىعى سالاسى بويىنشا ورىنباسارى باقىتجان باياحمەتوۆ تۇرعىندارمەن جەكە ونلاين قابىلداۋ وتكىزدى.
«حالىق ۇنىنە قۇلاق اساتىن مەملەكەت» تۇجىرىمداماسىن ىسكە اسىرۋ ماقساتىندا شقو اكىمىنىڭ ورىنباسارى ۆيدەوكونفەرەنسيا ارقىلى تۇرعىندارمەن جەكە ونلاين قابىلداۋ وتكىزدى. وعان وبلىستىق باسقارما باسشىلارى مەن اۋداندىق جانە قالالىق اكىمدىكتەر قاتىستى.
ايماق باسشىسى ورىنباسارىنىڭ ونلاين قابىلداۋىندا 7 ادام كومەك سۇرادى. سونىڭ ءبىرى – ۇلان اۋدانىنىڭ تۇرعىنى س.ماتايەۆا. ول اتا-اناسىنىڭ قامقورلىعىنسىز قالعان نەمەلەرىن باعىپ وتىر. قارت انا ونلاين قابىلداۋ بارىسىندا كىشى نەمەرەسىن تۇرعىن ۇيمەن قامتاماسىز ەتۋدى ءوتىندى.
قابىلداۋعا وسكەمەن قالاسىنىڭ ءۇش تۇرعىنى قاتىستى. ي.كازانسكايانى ساياجاي بىرلەستىگىندەگى ترانسفورماتوردى وبلىستىق ورتالىقتىڭ بالانسىنا بەرۋ تۋرالى ماسەلەگە قىزىعۋشىلىق تانىتتى. ر.سماعۇلوۆ اۋلانى اباتتاندىرۋ جانە كوگالداندىرۋ ماسەلەسىن شەشۋگە جانە شاتىردى جوندەۋگە قول ۇشىن بەرۋدى سۇرادى. ر.جۇباقوۆ وسكەمەندەگى سول جاعالاۋدا ورنالاسقان ششورس كوشەسىن جوندەۋدى ءوتىندى.
سەمەيلىك كوپبالالى انا ر.قاسەنوۆا تۇرعىن ءۇي كەزەگىندەگى ءتىزىمىن قالپىنا كەلتىرۋدى سۇرادى.
ريددەر قالاسىنىڭ تۇرعىندارى ن.مەشكوۆا مەن و.التۋحانوۆا جول جوندەۋ جانە تاتار كوشەسىنە سۋ قۇبىرلارىن تارتۋ، سونداي-اق كامەلەتتىك جاسقا تولماعان جاسوسپىرىمدەرگە اراق-شاراپ ونىمدەرىن ساتۋ ماسەلەسىن قوزعاپ، شەشىمىن تابۋدى ءوتىندى.
قابىلداۋ بارىسىندا شقو اكىمىنىڭ ورىنباسارى باقىتجان باياحمەتوۆ ءتۇسىندىرۋ جۇمىستارىن جۇرگىزىپ، بۇل ماسەلەلەر الداعى ۋاقىتتا قاراستىرىلاتىن اتاپ ءوتتى. سونداي-اق ايماق باسشىسىنىڭ ورىنباسارى وبلىستىق باسقارما باسشىلارىنا ءتيىستى تاپسىرمالاردى جۇكتەدى.
پىكىر قالدىرۋ