Bloomberg بىرنەشە اپتا بۇرىن Tesla كومپانياسىنىڭ باس اتقارۋشى ديرەكتورى يلون ماسكتىڭ Frobes تىزىمىندە "اققان جۇلدىز جىلدامدىعىمەن" كوتەرىلگەنىن جاريالاعان. باسىلىم بۇگىنگى اقپاراتىندا "ماسكتىڭ قارجىلىق جاعدايىنىڭ تەز ارتۋىنىڭ باسەڭدەيتىن ءتۇرى جوق" دەپ حابارلادى.

دۇيسەنبىدە Tesla كومپانياسىنىڭ اكسيالارى 11 پايىزعا ارتىپ، رەكوردتىق دەڭگەيگە جەتكەن. بۇل ماستىڭ داۋلەتىن 7،8 ملرد دوللارعا كوبەيتىپ، ول الەمدەگى ەڭ باي ءتورت ادامنىڭ قاتارىنا قوسىلعان.

Bloomberg Billionaires يندەكسىندە بايلىعى 84،8 ميلليارد دوللارعا باعالانعان يلون ماسك فرانسۋز ماگناتى بەرنارد ارنونى باسىپ وزىپ، Facebook كومپانياسىنىڭ باس اتقارۋشى ديرەكتورى مارك سۋكەربەرگتەن كەيىنگى ورىنعا تۇراقتاعان. 

ايتا كەتەيىك، يلون ماسك ناۋرىزدا Forbes ءتىزىمى بويىنشا الەمدەگى داۋلەتتى 30 ادام قاتارىنا كىرمەيتىن. ونىڭ جەكەلىك داۋلەتى 20 شىلدەدە 74 ميلليراد دوللارعا جەتكەن.  Bloomberg اقپاراتى يلون ماسكتىڭ Forbes تىزىمىندە "اققان جۇلدىز جىلدامدىعىمەن" كوتەرىلگەنىن مالىمدەگەن. شىلدەنىڭ باسىندا ماسكتىڭ الەم بويىنشا جەتىنشى باي بولعانى حابارلانسا، ارادا ءبىر اپتا وتەر-وتپەستەن ونىڭ الەمدەگى ەڭ باي بەس ادامنىڭ قاتارىنا قوسىلعانى جاريالاندى. 

باسىلىمنىڭ اقپاراتىنا سايكەس، بۇگىننەن باستاپ دجەفف بەزوس، بيلل گەيتس، مارك سۋكەربەرگ جانە يلون ماسك الەمنىڭ ەڭ باي ءتورت ادامى بولدى.