دەنساۋلىق ساقتاۋ مينيسترلىگى وتكەن تاۋلىكتە قازاقستاندا كوروناۆيرۋس پەن پنيەۆمونيادان 26 ادامنىڭ قايتىس بولعانىن مالىمدەدى.

"وتكەن تاۋلىكتە كوروناۆيرۋس بەلگىلەرى بار پنيەۆمونيانىڭ 1081 جاعدايى تىركەلدى، 11 ادام كوز جۇمدى. ءبىرىنشى تامىزدان بەرى 19 754 ادام پنيەۆمونياعا شالدىقتى، بارلىعى 231 ادام قايتىس بولدى. سونىمەن قاتار، تاۋلىك ىشىندە تاعى 15 ناۋقاس كوروناۆيرۋستان كوز جۇمدى. 271 ادام ۆيرۋس جۇقتىرعان، ونىڭ 148 – سيمپتومسىز پاسيەنت" دەلىنگەن حابارلامادا.

وسى جىلدىڭ 13 ناۋرىزىنان 19 تامىزىنا دەيىن 103 571 ادام ىندەتكە شالدىقتى، 1446 ناۋقاس قايتىس بولدى.

قازىرگى ۋاقىتتا كوروناۆيرۋستىق ينفەكسيادان 15 839 ادام ەم قابىلداۋدى جالعاستىرۋدا. ولاردىڭ اراسىندا 71 وسكىنشەك بالا بار. ستاسيونارلاردا  7 383 ناۋقاس جاتىر. 8 456 ادام امبۋلاتوريالىق جاعدايدا ەمدەلۋدە.

جالپى ناۋقاستاردىڭ اراسىندا 366 ادامنىڭ احۋالى ناشار. سونىڭ ىشىندە 90 ناۋقاستىڭ احۋالى اسا قاتتى اۋىر دەپ باعالانۋدا. 59 ناۋقاس وكپەنى جاساندى جەلدەتۋ اپپاراتىندا جاتىر.