ۆاشينگتون، بەيجىڭ جانە تايبەي اراسىنداعى اسكەري شيەلەنىستەر ءالى دە جالعاسىپ، امەريكا قۇراما شتاتتارى سەيسەنبىدە تايۆان بۇعازىنا اسكەري كەمەسىن جىبەردى. بۇل تۋرالى South China Morning Post حابارلادى.
اقش-تىڭ تىنىق مۇحيت فلوتىنىڭ حابارلاۋىنشا، امەريكالىق زىمىران جويعىش "USS Mustin" تايۆان مەن جۇڭگو ماتەريگى شەكاراسىنداعى سۋ جولىمەن ءجۇرىپ وتكەن.
"امەريكانىڭ 7ء-شى فلوتى (شتاب-پاتەرى جاپونيادا ورنالاسقان) ءۇندى-تىنىق مۇحيتى ايماعىندا اقش-تىڭ ۇلتتىق مۇددەلەرىن قولداۋ ماقساتىندا اسكەري-تەڭىز وپەراسيالارىن جۇرگىزەدى" دەلىنگەن سارسەنبى كۇنى تاڭەرتەڭ جاسالعان مالىمدەمەدە.
اقش اسكەري-تەڭىز كۇشتەرىنىڭ ەڭ ۇلكەنى ەسەپتەلەتىن 7ء-شى فلوت تەڭىزگە شىعاتىن 35 مەملەكەتپەن تەڭىز قاۋىپسىزدىگىن نىعايتۋعا، تۇراقتىلىقتى قامتاماسىز ەتۋگە جانە قاقتىعىستاردى بولدىرماۋعا باعىتتالعان سەرىكتەستىك قارىم-قاتىناس ورناتىپ جاتقانى حابارلانعان.
"اقش بيلىگى حالىقارالىق زاڭ رۇقسات ەتكەن جەردە ۇشۋ، ءجۇزۋ جانە جۇمىس ىستەۋدى جالعاستىرادى" دەلىنگەن ۆاشينگتوننىڭ مالىمدەمەسىندە.
باسىلىمنىڭ جازۋىنشا، اسكەري وپەراسيانى بەيجىڭ زىمىران جويعىشتارىمەن باقىلاسا، تايۆان فرەگاتتارىن جىبەرگەن.
ايتا كەتەيىك، اقش سوڭعى التى ايدا وڭتۇستىك جۇڭگو تەڭىزىندە بەلسەندى ارەكەت ەتۋدە.
