پرەزيدەنت قاسىم-جومارت توقايەۆ سىبايلاس جەمقورلىققا قارسى كۇرەس ماسەلەلەرى جونىندە كەڭەس وتكىزدى، دەپ اقوردا حابارلادى.
– ەكونوميكالىق پروبلەمالار اياسىندا كاسىپكەرلىككە قولداۋ كورسەتۋ ەرەكشە وزەكتىلىككە يە بولىپ وتىر. 5 جىلدىڭ ىشىندە زاڭدى كاسىپكەرلىك قىزمەتكە كەدەرگى كەلتىرۋ تۋرالى قىلمىستىق ءىس بويىنشا 11 تۇلعا، رەيدەرلىك تۋرالى ءىس بويىنشا 7 تۇلعا سوتتالدى. وسى ساننان-اق بيزنەستى قورعاۋدىڭ قۇقىق قورعاۋ تەتىكتەرى كىبىرتەكتەپ تۇرعانىن كورۋگە بولادى، – دەدى توقايەۆ.
ول وتكەن جىلداعى جولداۋدا زاڭدى بيزنەسكە كەدەرگى كەلتىرۋ اۋىر مەملەكەتتىك قىلمىس ەكەندىگىن اتاپ ءوتتى.
– ۇكىمەتكە باس پروكۋراتۋرامەن بىرگە ءبىر مەرزىمدە قوزعالعان بارلىق ماسەلەلەر بويىنشا ناقتى ۇسىنىستاردى بەكىتۋدى تاپسىرامىن. ءبىز ەنگىزگەن سىبايلاس جەمقورلىققا قارسى سۇيەمەلدەۋ ينستيتۋتى العاشقى جەمىسىن بەرە باستادى. وسى جىلدىڭ ءبىرىنشى جارتىجىلدىعىندا عانا 510 بيزنەس-جوبانىڭ زاڭسىز 114 فاكتىسى انىقتالدى. بۇل جۇمىستى جالعاستىرۋ قاجەت. باس پروكۋراتۋرا كاسىپكەرلەردى قىلمىستىق قۋدالاۋ وربيتاسىنا نەگىزسىز شىعارۋ فاكتىلەرىن شۇعىل جويىپ وتىرۋى ءتيىس. كاسىپكەرلەر، ينۆەستورلار جەمقورلىق قىسىمنان قۋاتتى قورعانىستى سەزىنە ءبىلۋى كەرەك، – دەدى پرەزيدەنت.
پىكىر قالدىرۋ