بۇگىنگى كۇنى كۆي-دەن ساۋىعىپ شىققان ادامداردىڭ پلازماسىن ناۋقاستارعا قۇيۋ ارقىلى وعان انتيدەنە "بەرىپ"، يممۋندىق جۇيەنى نىعايتۋعا بولادى. بۇل زەرتحانالىق جانە كلينيكالىق تۇرعىدان دالەلدەنگەنىن اتاپ وتكەن ورىندى. COVID-19 ينفەكسياسىمەن اۋىرعان ادامداردىڭ يممۋندىق پلازماسى بۇل اۋرۋمەن كۇرەسۋگە كومەكتەسەدى.
قاننىڭ قۇرامىندا انتيدەنەسى بار ءبىر ادام، كەم دەگەندە جاعدايى اۋىر ەكى ناۋقاستىڭ ءومىرىن ساقتاپ قالا الادى. اپپاراتىق پلازمافەرەزدى تاپسىرۋ ءقاۋىپسىز. سونداي-اق ەشقانداي اۋىرسىنۋدى سەزىنبەيسىز.
كۆي-دىڭ ورتاشا جانە اۋىر تۇرىمەن اۋىرىپ، ودان ساۋىعىپ شىققان كەز كەلگەن كامەلەتتىك جاسقا تولعان ادام دونور بولا الادى. ەڭ باستىسى، اۋرۋدان ايىققانىنا كەم دەگەندە ەكى اپتا وتسە بولعانى. پلازما تاپسىرىپ، دارىگەرلەرگە كومەك كورسەتۋ ءۇشىن جەرگىلىكتى مەكەنجاي بويىنشا ودا-عا بارىپ، انتيدەنەگە تەست تاپسىرۋ كەرەك. بۇدان سوڭ وبلىستىق قان ورتالىعىنا بارىپ، ەمحانالىق-بيوحيميالىق كورسەتكىش پەن قان توبىڭىزدى انىقتاپ، ايتۆ، سيفيليس، ءبرۋسۋللوز بەن گەپاتيتكە قان تاپسىرۋ كەرەك. ەگەر ساراپتاما قورتىندىسى وڭ بولسا، پلازماعا تاپسىرۋعا جىبەرەدى. اتالمىش پروسەدۋرا ءۇشىن 7 اەك نەمەسە 19446 تەڭگە تولەنەدى.
كوروناۆيرۋسپەن اۋىرعان ناۋقاستارعا قول ۇشىن بەرگىسى كەلەتىن جاندار وبلىستىق قان ورتالىعىنا مىنا كورسەتىلگەن تەلەفون نومىرلەر بويىنشا حابارلاسا الادى: 8(7232)70 38 38 نەمەسە 87057520964.
