قازاقستاننىڭ دەنساۋلىق ساقتاۋ مينيسترلىگى وتكەن تاۋلىكتە كورناۆيرۋست ينفەكسياسىنان 20 ادام، پنيەۆمونيادان 6 ادام قايتىس بولعانىن مالىمدەدى.

ءبىر تاۋلىكتە كوروناۆيرۋس جۇقتىرعان 256 ادام جانە پنيەۆمونياعا شالدىققان 723 ادام انىقتالدى.

بارلىعى 13 مامىردان بەرى قازاقستاندا 104 071 ادام كوروناۆيرۋس جۇقتىردى، 1 481 ادام دەرتتەن قايتىس بولدى.

1 تامىزدان بەرى پنيەۆمونيامەن سىرقاتتانعان 21 264 ادام تىركەلدى، 243 ناۋقاس كوز جۇمدى.

قازىرگى ۋاقىتتا كوروناۆيرۋستىق ينفەكسيادان 14 670 ادام ەم قابىلداۋدى جالعاستىرۋدا. ولاردىڭ اراسىندا 62 بالا بار. اۋرۋحانالاردا 6 339 ناۋقاس جاتىر. 8 331 ادام امبۋلاتوريالىق جاعدايدا ەمدەلۋدە.

"جالپى ناۋقاستاردىڭ اراسىندا 355 ادامنىڭ احۋالى ناشار. سونىڭ ىشىندە 78 ناۋقاستىڭ جاعدايى اسا اۋىر دەپ باعالانۋدا. 49 ناۋقاس جاساندى تىنىس الدىرتۋ اپپاراتىنا قوسىلدى" دەلىنگەن مينيسترلىك تاراتقان رەسمي حابارلامادا.

وتكەن تاۋلىكتە 1470 ادام كوروناۆيرۋس ىندەتىنەن ەمدەلىپ شىققان، دەرتتەن جازىلعانداردىڭ جالپى سانى 87 920 ادام بولدى.