2020 جىلدىڭ 20 تامىز كۇنى جۇك كولىگىمەن ءيتتى سۇيرەپ بارا جاتقان ۆيدەو الەۋمەتتىك جەلىدە تارادى. وقيعا الماتى وبلىسىندا ورىن العانى بەلگىلى بولدى، دەپ حابارلادى پد باسپا ءسوز قىزمەتى.
الماتى وبلىسىنىڭ پوليسەيلەرى ولگەن ءيتتىڭ دەنەسىن اۆتوجول بويىندا سۇيرەگەن جۇرگىزۋشىنى ۇستادى.
الەۋمەتتىك جەلىلەرگە مونيتورينگ جۇرگىزۋ بارىسىندا جانۋارلارعا قاتىگەزدىك تانىتۋ دەرەگى اشكەرەلەندى. اتالعان كولىك جۇرگىزۋشىسىن انىقتاۋ جانە ونى ءۇستاۋ بويىنشا جەدەل ءىس-شارالار قابىلداندى.
وقيعا كەشە، ياعني 20 تامىز كۇنى تاڭەرتەڭ قۇلجا تاس جولىندا ورىن العانى انىقتالدى. ىسكە قاتىسى بار ەڭبەكشىقازاق اۋدانىنىڭ ب. ecءىمدى 37 جاستاعى تۇرعىنى ءۇستالدى. الدىن الا تەكسەرۋ بارىسىندا ايىپتالۋشىنىڭ قوقىس شىعارۋمەن اينالىساتىنى انىقتالدى.
ۇستالعان ەر ادامنىڭ ايتۋى بويىنشا، ول جولدىڭ بويىندا ءولىپ قالعان ءيتتى بايقاپ، ونى كولىگىنە بايلاپ، ەلسىز جەرگە اپارىپ تاستاۋدى ءدۇرىس دەپ شەشكەن. جۇرگىزۋشى كەلتىرگەن دالەلدەردىڭ شىندىققا جاناسا ما، جوق پا ءتارتىپ ساقشىلارى تەكسەرۋدە. الماتى وبلىسى ەڭبەكشىقازاق اۋدانىنىڭ پوليسيا باسقارماسى كقر قىلمىستىق كودەكسىنىڭ 316-بابىنا سايكەس «جانۋارلارعا قاتىگەزدىك جاساۋ» دەرەگى بويىنشا قىلمىستىق ءىس قوزعادى.
پىكىر قالدىرۋ