قۇجات قابىلداۋدىڭ العاشقى كۇندەرى اقتوبە قالاسى مەن العا، مۇعالجار، قارعالى اۋداندارىنىڭ تۇرعىندارى بەلسەندىلىك تانىتقان. ⠀تىركەلگەندەردىڭ 78ء-ى ايەل، 89-ى ەر ازاماتتار. 53 ۇمىتكەردىڭ جاسى 35-كە جەتپەگەن. 48 پارتيالىق باستاۋىش پارتيا ۇيىمدارىنان ۇسىنىلسا، 119 ادام ءوز ەركىمەن قاتىسىپ وتىر.
-⠀پرايمەريز - پارتياىشىلىك سايلاۋ. ونىڭ ماقساتى – پارلامەنت ماجىلىسىندەگى جانە ءماسليحاتتاعى ءتيىمدى دەپۋتاتتىق كورپۋستى ودان ءارى قالىپتاستىرۋ، پارتيالىق جەلى بويىنشا ىلگەرىلەتۋ، ولاردى مەملەكەتتىك ورگاندارداعى لاۋازىمدارعا ۇسىنۋ ءۇشىن باسەكەلەستىك كۇرەس نەگىزىندە مىقتى كوشباسشىلاردى انىقتاۋ، - دەدى ەربول داناعۇلوۆ پرايمەريزدىڭ ماقساتى مەن مىندەتىن تۇسىندىرگەندە.
ونىڭ ايتۋىنشا، وسى ساياسي ناۋقاندى وتكىزۋ بويىنشا اقتوبە وبلىسى فيليالىنىڭ قادامدىق جوسپارى ازىرلەنگەن. ول 5 نەگىزگى كەزەڭنەن تۇراتىن ءىس-شارالاردى قامتيدى. 
وسى قادامدىق جوسپار بويىنشا وبلىستا 25 جەردە جاريا دەبات ۇيىمداستىرىلادى. ول 3 دەڭگەيدە: ۇگىت-ناسيحات بارىسىندا، پارتيانىڭ اۋداندىق، قالالىق جانە وبلىستىق فيليالدارىنىڭ كونفەرەنسياسىندا وتەدى. بارلىق كانديداتتار تۇگەلىمەن دەباتتارعا قاتىسۋى قاجەت.
1-3 قازان ارالىعىندا وبلىستاعى 33 مىڭنان استام پارتيا مۇشەسىنىڭ داۋىس بەرۋى ءۇشىن 136 داۋىس بەرۋ ۋچاسكەلەرى بەلگىلەنىپتى. ونىڭ ينتەرنەت بايلانىسىنا قوسىلماعان 42 ۋچاستوكتا ءداستۇرلى بيۋللەتەنمەن، 94 ۋچاستوكتا ونلاين داۋىس بەرۋ جوسپارلانىپ وتىر. 
-پرايمەريز - ەلىمىزدىڭ دامۋىنا مۇددەلى جىگەرلى، ءبىلىمدى، بەلسەندى ازاماتتار ءۇشىن جاڭا «الەۋمەتتىك ساتى» ىسپەتتى. ەندەشە، ءوز كۇشىنە سەنىمدى، ەلىمىزدى، وبلىسىمىزدى دامىتقىسى كەلەتىن اقتوبەلىكتەردى پرايمەريزگە بەلسەندى قاتىسۋعا شاقىرامىن، - دەدى ەربول داناعۇلوۆ.
ايتا كەتۋ كەرەك، كانديداتتاردى تىركەۋ كەزەڭى 28 تامىزعا دەيىن جالعاسادى. اقتوبە قالاسى تۇرعىندارى تۋرگەنيەۆ كوشەسى، 86 مەكەن-جايى بويىنشا نەمەسە 54-11-56 تەلەفونى ارقىلى پارتيا فيليالىنا (ۇيىمداستىرۋ كوميتەتىنە) حابارلاسا الادى. 
پىكىر قالدىرۋ