اقتوبە وبلىسىنىڭ اكىمى وڭداسىن ءورازاليننىڭ توراعالىعىمەن وتكەن جيىندا حالىقتىڭ جۇمىسپەن قامتىلۋىن قامتاماسىز ەتۋ جۇمىستارى تالقىلاندى.
جيىنعا وبلىس اكىمىنىڭ ورىنباسارلارى، مەملەكەتتىك ورگانداردىڭ باسشىلارى، اقتوبە قالاسى مەن اۋدان اكىمدەرى بەينەبايلانىس ارقىلى قاتىستى.
اقتوبە وبلىسىنىڭ جۇمىسپەن قامتۋدى ۇيلەستىرۋ جانە الەۋمەتتىك باعداردامالار باسقارماسىنىڭ باسشىسى اسلانبەك شۇينشالييەۆ حالىقتىڭ جۇمىسپەن قامتىلۋىن قامتاماسىز ەتۋ جانە جۇمىسسىزدىق دەڭگەيىن تومەندەتۋ جونىندەگى «ەڭبەك» باعدارلاماسىنىڭ جۇزەگە اسىرىلۋى وڭ ناتيجە بەرىپ جاتقانىن ايتتى.
بارلىعى، 1 قازانداعى جاعداي بويىنشا 32،3 مىڭنان استام جاڭا جۇمىس ورنى، ونىڭ ىشىندە 15،6 مىڭنان استام تۇراقتى جۇمىس ورنى قۇرىلعان.
«جۇمىسپەن قامتۋعا جاردەمدەسۋدىڭ بەلسەندى شارالارىمەن وسى جىلدىڭ قورىتىندىسى بويىنشا 53 477 جۇمىسسىز بەن ءوزىن ءوزى جۇمىسپەن قامتىعانداردى قامتۋ جوسپارلانىپ وتىر، بۇگىندە جوسپار 87% ورىندالىپ، 46 558 ادام قامتىلدى. اتاپ ايتقاندا، 2 مىڭنان اسا ادام تەحنيكالىق جانە كاسىبي، سونىڭ ىشىندە قىسقا مەرزىمدى وقۋعا جىبەرىلدى. «بيزنەس باستاۋ» جوباسىمەن كاسىپكەرلىك نەگىزدەرىن 1498 ادام وقىپ، تاعى 1255 ادام بيزنەس يدەيالارىن جۇزەگە اسىرۋ ءۇشىن جالپى سوماسى 695،4 ملن. تەڭگەگە قايتارىمسىز گرانت الدى»،- دەدى اسلانبەك شۋينشالييەۆ.
جيىن سوڭىندا وبلىس اكىمى حالىقتىڭ ءتيىمدى جۇمىسپەن قامتىلۋىن قامتاماسىز ەتۋ مەن جۇمىسسىزدىق دەڭگەيىن تومەندەتۋگە بايلانىستى ءبىرقاتار تاپسىرمالار بەردى. سونىڭ ىشىندە، ءوڭىر باسشىسى تۇراقتى جۇمىس ورىندارىن اشۋدى تاپسىردى، اسىرەسە وبلىس اۋداندارىندا.
پىكىر قالدىرۋ