وبلىس اكىمى وڭداسىن ورازالين "اقتوبە" جانە "اتىراۋ بارىستارى" كوماندالارى اراسىنداعى ۇلتتىق ليگانىڭ باسكەتبول ماچىنا باردى.
جارىس "قونىس" سپورت سارايىندا ءوتىپ، 77:58 ەسەبىمەن "اقتوبە" جەڭىسكە جەتتى.
"اتىراۋ بارىستارى" - قازاقستاننىڭ مىقتى كلۋبتارىنىڭ ءبىرى. ولار ۇنەمى الدا كەلەدى. الايدا بۇگىن جەڭىسكە جەتۋ مۇمكىندىگىمىز تەڭ بولدى. سونداي-اق، ويىن العاش رەت ءۇي ارەناسىندا جاڭا جاتتىقتىرۋشى ەلەن شاكيروۆا رافاەل قىزىنىڭ باسشىلىعىمەن وتكىزىلىپ جاتقانىن ايتقىم كەلەدى. ول سپورتتىڭ، كەڭەس باسكەتبولىنىڭ اڭىزى، وليمپيادا چەمپيونى! بۇل كەشتىڭ ارتىقشىلىعى سول، كورەرمەن سانى جاعىنان رەكورد جاسادى، ەش جەردە مۇنداي كوپ جانكۇيەر جينالمايدى، جانە بىزدە شەكتەۋلەر بار"،- دەدى اقتوبە وبلىسىنىڭ باسكەتبول فەدەراسياسىنىڭ ءتوراعاسى المات كەنجەعۇلوۆ.
ءوڭىر باسشىسىنا 04 ءنومىرلى ويىن فۋتبولكاسى تارتۋ ەتىلدى.
"اقتوبە" باسكەتبول كلۋبى 2017 جىلى قۇرىلعان. جوعارى دەڭگەيلى كاسىپقويلىقتىڭ ارقاسىندا 2019 جىلى "اقتوبە" بك ق ر جوعارى ليگاسىنىڭ چەمپيونى بولدى، 2020 جىلى ۇلتتىق ليگادا العاش رەت وينادى.
پىكىر قالدىرۋ