15 قازان كۇنى اقتوبەدە اقىن تولەگەن ايبەرگەنوۆ پەن كومپوزيتور ءشامشى قالداياقوۆقا ارنالعان ەسكەرتكىشتەردىڭ اشىلۋ سالتاناتى ءوتتى.

شاراعا وبلىس اكىمى وڭداسىن ورازالين، ءشامشى قالداياقوۆتىڭ اپاسى - رايحان دومبايەۆا، اقىن تولەگەن ايبەرگەنوۆتىڭ قىزى - ماحاببات ايبەرگەنوۆا، “ادەبيەت. رۋح. قوعام” اتتى ەكى كۇندىك رەسپۋبليكالىق ادەبي فورۋمنىڭ قاتىسۋشىلارى جانە ت.ب. كەلدى.

«ءقادىرلى ەل اعالارى، باۋىرلار! ءبىز بۇگىنگى كۇنى «التىن بەسىك - اقتوبەنىڭ» تورىندە ورىن العان تاريحي ءساتتىڭ كۋاگەرى بولىپ وتىرمىز. كۇنى كەشەگىمىز بۇگىن تاريحققا اينالسا، بۇگىنگىمىز ەرتەڭگى تاريح بولماق. قازاق دالاسى دارىندى تۇلعالالاردان كەندە ەمەس. قاي-قايسىسىنىڭ دا تاريح تورىنەن ويىپ الار وزىندىك ورنى بار. ءبولىپ –جاراتىن ەشتەمە جوق. دەگەنمەن سول تالانتتار شوعىرىنىڭ ىشىندە تولەگەن ايبەرگەنوۆ پەن ءشامشى قالداياقوۆتىڭ ورىندارى ەرەكشە»،- دەدى وڭداسىن ورازالين قۇتتىقتاۋ سوزىندە.

ەسكەرتكىشتەر قالا ورتالىعىندا – اعايىندى جۇبانوۆتار كوشەسى بويىنداعى عاشىقتار اللەياسىندا ورنالاسقان. تولەگەن ايبەرگەنوۆ ەسكەرتكىشىنىڭ بيىكتىگى - 3،2 مەتر. ءشامشى قالداياقوۆتىڭ ەسكەرتكىشى كومپوزيتوردىڭ قولىنا مۋزىكالىق اسپاپتى العان كۇيى وتىرعىشتا وتىرعانىن بەينەلەگەن.