ءوڭىر باسشىسى وڭداسىن ءورازاليننىڭ توراعالىعىمەن وتكەن جيىندا ەلدى مەكەندەردى سانيتارلىق تازارتۋ، اباتتاندىرۋ جانە كوگالداندىرۋ بويىنشا ەكى ايلىقتىڭ بارىسى قارالدى.
ەكولوگيالىق ەكى ايلىق اياسىندا ەلدى مەكەندەردىڭ اۋماعىن سانيتارلىق تازارتۋ، تال وتىرعىزۋ، رۇقساتسىز توگىلگەن قوقىستاردى جويۋ جانە ت.ب. جۇمىستارى جۇرگىزىلۋدە.
8 قىركۇيەك پەن 17 قازان ارالىعىندا بارلىعى وبلىس اۋداندارىندا التى، اقتوبە قالاسىندا ءۇش سەنبىلىك ءوتتى. وعان اپتا سايىن ورتاشا العاندا 14،9 مىڭ وبلىس تۇرعىنى قاتىستى.
ناتيجەسىندە، قوقىس جينالعان 679 ورىن، 428 ستيحيالىق قوقىس جويىلىپ، 7 720 كوشەت وتىرعىزىلسا، ونىڭ 3،5 مىڭنان استامى اقتوبە قالاسىندا ەگىلدى.
سانيتارلىق نورمالاردى بۇزۋشىلاردى انىقتاۋ جۇمىستارى كۇشەيتىلدى. مىڭعا جۋىق جەكە جانە زاڭدى تۇلعاعا زاڭبۇزۋشىلىقتى جويۋ تۋرالى نۇسقاما بەرىلىپ، 145 زاڭبۇزۋشىعا جالپى سوماسى 3،4 ملن تەڭگەگە ايىپ پۇل سالىندى.
وبلىس اكىمى بارلىق باعىتتاعى جۇمىستى كۇشەيتۋدى، كوگالداندىرۋ مەن كوشەتتەردىڭ امان قالۋىنا ەرەكشە نازار اۋدارۋدى تاپسىردى.
