22 قازان، جۇما كۇنى اقتوبە وبلىسىنىڭ اكىمى وڭداسىن ورازالين اقتوبە قالاسىن جۇمىس بابىمەن ارالاپ شىعىپ، وبلىس ورتالىعىن دامىتاتىن ءبىرقاتار جوبالاردىڭ جۇزەگە اسىرىلۋىمەن تانىستى. ءوڭىر باسشىسى ءاليا مولداعۇلوۆا داڭعىلى بويىنداعى شاحماتشىلار گۇل باعىنىڭ اباتتاندىرىلۋ بارىسىن قاراپ شىقتى. 

گۇل باعىنىڭ ۇزىندىعى - 540 مەتر. قالپىنا كەلتىرۋ جۇمىستارى قاراشا ايىندا اياقتالادى دەپ جوسپارلانىپ وتىر. شامامەن 9،5 م2 قىرلانعان كەسپە تاستار توسەلىپ، سۋارۋ جۇيەسى جاڭارتىلادى، تەرەكتەر، ۇيەڭكى مەن كوپجىلدىق گۇلدەر وتىرعىزىلدى، سونىمەن قاتار، ۆوركاۋت پەن بالالار ويىن الاڭدارى ورناتىلادى.

ءوڭىر باسشىسى “كمك ستروي” ج ش س مەردىگەر مەكەمەسىنىڭ باسشىلىعىنا ساپالى جۇمىستى قامتاماسىز ەتۋدى تاپسىردى. ماسكەۋ اۋدانىندا وبلىس اكىمى س.سەيفۋللين كوشەسىندەگى اۆتوكولىك جولىنىڭ جوندەۋ بارىسىن قاراپ شىقتى. جۇمىس ەكى كۇن ىشىندە ءبىتۋ كەرەك.

ايتا كەتەيىك، بيىل ماسكەۋ اۋدانىنىڭ مياسوەدوۆ، وزەرنايا، ەكپىندى، مەندەلەيەۆ، ءبىلتابانوۆ، پۋشكين، چەرەپانوۆ، وستروۆسكيي، جامانقۇلوۆ، لۋگوۆايا، مۇڭايتپاسوۆ سياقتى بارلىعى وننان استام كوشەسىنىڭ اۆتوكولىك جولدارىنىڭ جوندەۋ جۇمىستارى اياقتالدى. سونىمەن قاتار، جوندەلىپ جاتقان كوشەلەردى سىرتقى جارىقتاندىرۋمەن قامتاماسىز ەتۋ جۇمىستارى جۇرگىزىلۋدە.

اۋدان تۇرعىنى ۆلاديمير دولگوپولوۆ:

«بۇل جەرگە قاشان اسفالت توسەلگەنى ەسىمدە جوق. وسى سەيفۋللين كوشەسىنە، ياعني بۇرىنعى قىزىل كوشەسىنە اسفالت كەڭەس زامانىندا توسەلگەن ەدى، چەرەپانوۆ كوشەسىندە مۇلدەم اسفالت بولماعان. كونتەينەرلەردى قويعان، قوقىس ەندى ۇشپايتىن بولادى»،- دەدى وبلىس اكىمىنە.

وڭىردە جوسپار بويىنشا ءۇشاۋىسىمدىق وقۋدىڭ ماسەلەسى شەشىلىپ جاتىر، سونىڭ ىشىندە جۇمىس جاساپ جاتقان مەكتەپتەردىڭ عيماراتتارىن جاپسارلاستىرىپ جاڭا كورپۋس سالۋ ەسەبىنەن كەڭەيتۋ ارقىلى.

جاپسارلاستىرىلىپ سالىنعان جاڭا كورپۋس بۇگىن وبلىس اكىمى وڭداسىن ورازالين بارعان № 53 مەكتەپتەگى ءۇشاۋىسىمدىق وقۋدىڭ ماسەلەسىن دە شەشتى. بۇل مەكتەپتە بۇگىندە 2 مىڭ بالا وقيدى.

ايتا كەتەيىك، اقتوبە وبلىسىندا مەكتەپتەردەگى ورىن تاپشىلىعىن جويۋ جونىندەگى بەسجىلدىق باعدارلاما جاسالعان بولاتىن. سوعان سايكەس، 2025 جىلى 54 مەكتەپ سالىنادى.

بۇدان وزگە، ءوڭىر باسشىسى «نۇر-اقتوبە» تۇرعىن ءۇي الابىنىڭ ءبىرىنشى شاعىن اۋدانىنداعى گۇل باعىنىڭ اباتتاندىرىلۋ جۇمىستارىمەن تانىستى. جىل سوڭىنا دەيىن مۇندا سۇرلەۋ تاقتالارى توسەلىپ، جاياۋجولدار، جارىق، سۋارۋ جۇيەسى ورناتىلادى، بالالارعا ارنالعان جانە سپورت الاڭدارى، كۇركەلەر جانە ت.ب. قوندىرىلماق.

كوممۋنالدىق قىزمەتتەر گۇل باعىن كوگالداندىرۋ جۇمىستارىمەن جارىن اينالىساتىن بولادى. جۇمىس ساپارىنىڭ سوڭىندا وبلىس اكىمى قالا باسشىلىعىنا وبلىس ورتالىعىن ءارى قاراي اباتتاندىرۋ مەن جۇزەگە اسىرىلىپ جاتقان جوبالاردىڭ ۋاقىتىلى اياقتالۋىنا قاتىستى ءبىرقاتار ناقتى تاپسىرمالار بەردى.