اقتوبە قالاسىنىڭ № 2 سوتىنىڭ سوت پروسەسىنە ونلاين رەجيمدە ءبىلىم باسقارماسى مەن بولىمدەرىنىڭ قىزمەتكەرلەرى، ونىڭ ىشىندە وبلىستىڭ 403 قالالىق جانە اۋداندىق مەكتەپتىڭ ديرەكتورلارى، بۋحگالتەرلەرى، پەداگوگيكالىق قۇرامى قوسىلدى.

اقتوبە قالالىق مەكتەبىنىڭ باس بۋحگالتەرى اسا ءىرى مولشەردە بيۋدجەت قاراجاتىن جىمقىرعانى ءۇشىن سوتتالدى. ول 8 جىل بويى ءوزىنىڭ بانكتىك شوتىنا جالاقى رەتىندە زاڭسىز اۋدارىمدار جاساعان، ناتيجەسىندە مەملەكەتكە 413،8 ملن تەڭگە سوماسىندا زالال كەلتىرىلدى.

"تەك ءبىر جىلدىڭ ىشىندە ول وزىنە 200 ملن تەڭگەدەن استام قاراجات اۋدارعان. بۇل بۇكىل مەكتەپتىڭ جىلدىق ەڭبەكاقى قورىنىڭ 30%-ىن قۇرايدى ەكەن. سوت ۇكىمىمەن وعان 7 جىل باس بوستاندىعىنان ايىرۋ جازاسى تاعايىندالدى، سونداي-اق 10 جىل مەرزىمگە ماتەريالدىق جاۋاپتى لاۋازىمداردى اتقارۋ قۇقىعىنان ايىرىلدى"، دەلىنگەن انتيكور حابارلاماسىندا.

ۇكىم زاڭدى كۇشىنە ەنگەن جوق.