سيفرلىق دامۋ مينيسترلىگى وسى ءىس-شارانى جۇزەگە اسىرۋ ماقساتىندا كەلەسى شارالار قابىلدانعالى جاتقانىن ەسكە سالادى:
1) IANA (ينتەرنەت مەكەنجاي كەڭىستىگىنىڭ اكىمشىلىگى)، حەبو، رسس، ICANN، IETF، IESG سىندى حالىقارالىق ۇيىمدارعا قازاقستاننىڭ ءبىرىڭعاي 5ء-شى ۋاقىت بەلدەۋىنە كوشۋى، سونداي-اق قازاقستان ءۇشىن ۋاقىت بەلدەۋلەرىنىڭ (time zone database) جالپىعا قولجەتىمدى دەرەكقورىنداعى دەرەكتەردى جاڭارتۋ قاجەتتىلىگى تۋرالى رەسمي حابارلاندى.
وسىعان بايلانىستى ابونەنتتەر شىعارىلعان جاڭارتۋلاردى Android جانە IOS سياقتى حالىقارالىق وپەراسيالىق جۇيەلەرمەن جاڭارتۋى قاجەت.
2) سيفرلىق دامۋ ءمينيسترىنىڭ تاپسىرماسىنا سايكەس، بايلانىس وپەراتورلارى:
- وزدەرىنىڭ اقپاراتتىق جۇيەلەرىنىڭ قاجەتتى ولشەمدەرىن دايىنداۋ بويىنشا ۇيىمداستىرۋشىلىق-تەحنيكالىق ءىس-شارالارىن وتكىزەدى؛
- ۇيالى بايلانىس وپەراتورلارىنىڭ قىسقا ماتىندىك حابارلامالاردى جىبەرۋىن، سونداي-اق ينتەرنەت-رەسۋرستا جانە ءموبيلدى قوسىمشادا (بار بولعان جاعدايدا) حابارلاۋدى قوسا العاندا، قىزمەت كورسەتۋ ارنالارى ارقىلى ءوز ابونەنتتەرى مەن پايدالانۋشىلارىنا جۇرگىزىلىپ جاتقان جۇمىستار تۋرالى الدىن الا حابارلاۋ بويىنشا شارالاردى جۇزەگە اسىرادى؛
- ينتەرنەتتى قوسا العاندا، ۇسىنىلاتىن بايلانىس سەرۆيستەرى مەن قىزمەتتەرىنىڭ تۇراقتىلىعىن ساقتاۋ، سونداي-اق ءتاريفتىڭ اي سايىنعى تولەمىن ەكى ەسە ەسەپتەۋ جاعدايلارىن بولدىرماۋ ماقساتىندا تەحنيكالىق ينفراقۇرىلىمدى دايىندايدى.
قۇزىرلى ۆەدومستۆو تولىعىراق اقپارات الۋ ءۇشىن بايلانىس وپەراتورلارىنا حابارلاسۋعا بولاتىنىن دا ناقتىلايدى.
پىكىر قالدىرۋ