اقتوبە وبلىسىنىڭ اكىمى وڭداسىن ورازالين ق ر ىشكى ىستەر ءمينيسترىنىڭ ورىنباسارى ساكەن سارسەنوۆپەن جۇمىس بابىمەن كەزدەستى.
كەزدەسۋ بارىسىندا وڭىردە مەملەكەت باسشىسىنىڭ قىلمىستىق ىستەردى ەلەكتروندى فورماتقا اۋىستىرۋ، سونىمەن قاتار تەرگەۋشىلەردىڭ، جەدەل ۋاكىلدەر مەن ىشكى ىستەر ورگاندارىنىڭ حالىقپەن ءوزارا ارەكەت ەتەتىن باسقا دا قىزمەتكەرلەرىنىڭ كابينەتتەرىنە بەينە باقىلاۋ كامەرالارىن ورناتۋ بويىنشا تاپسىرماسىنىڭ جۇزەگە اسىرىلۋ بارىسى تالقىلاندى.
«اكىمدىك تاراپىنان قاجەتتى ماتەريالدىق كومەك كورسەتىلدى. 1 جەلتوقساننان باستاپ ءىىد-نىڭ جەدەل باسقارۋ ورتالىعى مەن نۇر-سۇلتان قالاسىنداعى جەدەل باسقارۋ ورتالىعىنا شىعاراتىن بارلىق كابينەتتەردە كامەرا تۇرادى دەپ ويلايمىن»،- دەدى ساكەن سارسەنوۆ.
سونداي-اق،وڭىردەگى قوعامدىق كەڭىستىكتەر مەن مەكتەپتەردى بەينە باقىلاۋ كامەرالارىمەن قامتۋ سۇراقتارى دا قارالدى. بۇل كامەرالار دا قۇقىققا قايشى ارەكەتتەردىڭ الدىن الىپ، تەز ارەكەت ەتۋ ءۇشىن تىكەلەي وبلىستىق ىشكى ىستەر دەپارتامەنتىنىڭ جەدەل باسقارماسىنا شىعارىلۋى ءتيىس.
پىكىر قالدىرۋ