ەل تاۋەلسىزدىگىنىڭ 30 جىلدىعى مەن تۇڭعىش پرەزيدەنت كۇنى قارساڭىندا ماڭعىستاۋ اۋدانى، جارمىش اۋىلىندا زامان تالابىنا ساي مادەنيەت ءۇيى پايدالانۋعا بەرىلدى. بۇل جارمىشتىقتار ءۇشىن كوپتەن كۇتكەن قۋانىش.

​«جۇمىسپەن قامتۋدىڭ جول كارتاسى» باعدارلاماسى اياسىندا سالىنعان نىسان ەكى قاباتتى. ءبىرىنشى قاباتىندا 200 ورىندى كورەرمەن زالى، بي زالى، 10 مىڭ كىتاپ قورى بار كىتاپحانا، فويە، گريم، كيىم ىلەتىن ورىن جانە باسقا دا شارۋاشىلىق بولمەلەرى ورنالاسقان. ال، ەكىنشى قاباتىندا شىعارماشىلىقپەن اينالىساتىن ادىستەمەلىك ورتالىق، دىبىس، جارىق، رەجيسسۋرا، مادەني ۇيىمداستىرۋشى بولمەسى، ءتۇرلى ۇيىرمەلەرگە ارنالعان بولمەلەر بار.  مادەنيەت ءۇيى ماتەريالدىق-تەحنيكالىق بازامەن تولىق جابدىقتالعان.

​جارمىشتىقتاردى جادىراتقان شاراعا وبلىستىق مادەنيەت باسقارماسىنىڭ باسشىسى ءپانيا سارمۋرزينا، اۋدان اكىمى تىلەك كوشماعانبەتوۆ قاتىسىپ، اۋىل تۇرعىندارىنىڭ قۋانىشىمەن ءبولىستى. ەكى قاباتتى ەڭسەلى مادەني ورتالىقتىڭ لەنتاسىن قيۋ قۇرمەتى مادەنيەت سالاسىنىڭ ارداگەرى شامشادين سابىتايەۆقا بۇيىردى.

​ايتا كەتەيىك، جارمىش مادەنيەت ۇيىندە 93 مۇشەسى بار 6 كلۋبتىق قۇرىلىم جۇمىس ىستەيدى. ونىڭ ىشىندە 1969 جىلى قۇرىلىپ، 1979 جىلى «حالىقتىق» اتاعىن العان جارمىش  حالىق تەاترى دا بار. سونداي-اق، ءان-بي ءانسامبلى، كوڭىلدى تاپقىرلار الاڭى، دومبىرا ۇيىرمەسى جانە مانەرلەپ وقۋ ۇيىرمەسى ءۇزدىكسىز جۇمىس جاساپ تۇر. ۇيىرمەلەرگە اۋىلدىڭ سەكسەنگە جۋىق بالاسى قاتىسادى. ال، كىتاپحانانىڭ كىتاپ قورى – 10112، جىلىنا 600-دەي وقىرمان قابىلدايدى. كىتاپحانا ىشىندە قور جينايتىن ەكى بولمە، بالالار ادەبيەتى بولىمىنە ارنالعان بولمە، وقۋ زالى بار.