14-15 قازان كۇندەرى اقتوبە قالاسىندا "ادەبيەت. رۋح. قوعام" اتتى رەسپۋبليكالىق ادەبي فورۋم ءوتتى. فورۋم ءبىزدىڭ وڭىردە ءۇشىنشى جىل قاتارىنان وتكىزىلىپ كەلەدى.
ونىڭ جۇمىسىنا بەلگىلى اقىندار مەن جازۋشىلار – قازاقستان رەسپۋبليكاسى جازۋشىلار وداعىنىڭ ءتوراعاسى ۇلىقبەك ەسداۋلەت، اقىن ەلەنا ءابدىحالىقوۆا، اقىن باۋىرجان جاقىپ، ق ر جازۋشىلار وداعىنىڭ مۇشەسى مەرەكە قۇلكەنوۆ، كومپوزيتور ءقۇرمانالى قالدىبەك، مادەنيەت جانە سپورت مينيسترلىگىنىڭ وكىلدەرى جانە ت.ب. قاتىستى.
"مەن سىزدەردى قازاقستان رەسپۋبليكاسى تاۋەلسىزدىگىنىڭ 30 جىلدىعىن مەرەكەلەۋ قارساڭىندا، "رۋحاني جاڭعىرۋ" باعدارلاماسى اياسىندا ۇيىمداستىرىلعان ءداستۇرلى "ادەبيەت. رۋح. قوعام" فورۋمىندا كورگەنىمە قۋانىشتىمىن. "الاش" قوزعالىسىنىڭ كوشباسشىسى احمەت بايتۇرسىنوۆتىڭ "ءوز تىلىندە سويلەيتىن جانە ءوز ادەبيەتى بار حالىق قانا دەربەس ومىرگە ۇمىتكەر بولا الاتىنىن ەشقاشان ۇمىتپاۋىمىز كەرەك" دەگەن ءسوزىن ەستە ۇستاساق، فورۋمنىڭ باستى ماقساتى قازاق ادەبيەتىندە ەلەۋلى ءىز قالدىرعان اقتوبە ءوڭىرىنىڭ كورنەكتى تۇلعالارىنىڭ ەسىمدەرىن تانىمال ەتۋ. سونداي - اق جاڭا تالانتتاردى انىقتاۋ بولىپ تابىلادى"، - دەدى وبلىس اكىمى وڭداسىن ورازالين فورۋمنىڭ اشىلۋىندا.
ءوڭىر باسشىسى سوڭعى جىلدارى اقتوبە وبلىسىندا قازاق مادەنيەتى مەن ادەبيەتىن ناسيحاتتاۋ جانە دارىپتەۋ بويىنشا جۇزەگە اسىرىلعان جوبالارعا قىسقاشا توقتالدى. اقتوبەدە التىن وردا ءداۋىرىنىڭ قولباسشىسى جانە مەملەكەت قايراتكەرى ەر ەدىگەنىڭ، ۇلى ويشىل اباي قۇنانبايەۆتىڭ ەسكەرتكىشتەرى اشىلدى. كيەلى نىساندار، ونىڭ ىشىندە ابات بايتاق، حان مولاسى، دوسجان حازىرەت كەسەنەلەرى قالپىنا كەلتىرىلدى. ەكى جىل بۇرىن تەمىر اۋدانىنداعى تاسقوپا قورىمىنان تابىلعان التىن ادامنىڭ كيىمدەرى قالپىنا كەلتىرىلدى. بەلگىلى عالىمدار مەن قوعام قايراتكەرلەرىنىڭ قاتىسۋىمەن عىلىمي-پراكتيكالىق كونفەرەنسيالار وتكىزىلدى. اقتوبە وبلىسىنان شىققان اتاقتى اقىندار مەن جازۋشىلاردىڭ ۇزدىك شىعارمالارىنىڭ جيناعى شىعارىلدى.
ايتا كەتەيىك، ەكى كۇندىك فورۋم اياسىندا "ەدىگە دەگەن ەر ەكەن" اتتى رەسپۋبليكالىق جىرشىلار بايقاۋى، تابىلدى دوسىموۆ اتىنداعى بارد اندەرىن ورىنداۋشىلاردىڭ رەسپۋبليكالىق كونكۋرسى جانە باسقا دا ءىس-شارالار ءوتتى.
سونىمەن قاتار، بۇگىن رەسپۋبليكالىق ادەبي بايقاۋدىڭ 10 نوميناسيا بويىنشا جەڭىمپازدارى ماراپاتتالدى. ولارعا تولەگەن ايبەرگەنوۆ، ساعي جيەنبايەۆ، وتەجان نۇرعالييەۆ، توبىق جارماعامبەتوۆ، قاجىعالي مۇحامبەتقالي ۇلى، تاحاۋي احتانوۆ، باكىر تاجىبايەۆ، ۇمبەتباي ۋايدين، قۋاندىق شاڭعىتبايەۆ، ءىزتاي مامبەتوۆ سياقتى شىعارمالارى قازاق ادەبيەتىنىڭ كلاسسيكاسىنا ەنگەن كورنەكتى اقتوبەلىك اقىندار مەن جازۋشىلار اتىنداعى ستيپەنديالار تابىس ەتىلدى.
سونىمەن بىرگە، كومپوزيتور ءشامشى قالداياقوۆ پەن اقىن تولەگەن ايبەرگەنوۆكە ارنالعان ەسكەرتكىشتەردىڭ اشىلۋ سالتاناتى ءوتتى. وعان ءشامشى قالداياقوۆتىڭ اپكەسى رايحان دومبايەۆا جانە اقىن تولەگەن ايبەرگەنوۆتىڭ قىزى ماحاببات ايبەرگەنوۆا قاتىستى.
پىكىر قالدىرۋ