قازاقستاننىڭ باس سانيتار دارىگەرى ايجان ەسماعامبەتوۆا الداعى دەمالىس كۇندەرى كارانتين قايتا كۇشەيتىلىپ، بەلگىلى ءبىر نىسانداردىڭ جابىلاتىنىن مالىمدەدى.
باس سانيتار دارىگەردىڭ ايتۋىنشا، ۇكىمەت ەپيدەميولوگيالىق جاعدايدى ودان ءارى تۇراقتاندىرۋ ءۇشىن دەمالىس كۇندەرى شەكتەۋ شارالارىن ساقتاۋى قاجەت.
سەنبى جانە جەكسەنبى كۇندەرى قانداي نىساندار جابىق بولادى:
- ساۋدا ۇيلەرى، ساۋدا جەلىلەرى، ساۋدا ويىن-ساۋىق ورتالىقتارى (ونىڭ ىشىندە سۋپەرماركەتتەر مەن ءدارىحانالار جۇمىسىن توقتاتپايدى)؛
- جابىق ازىق-تۇلىك جانە ازىق-تۇلىك ەمەس بازارلار؛
- سۇلۋلىق سالوندارى، شاشتاراز، سپا-ورتالىقتار، كوسمەتولوگيالىق قىزمەت كورسەتەتىن نىساندار؛
- فيتنەس ورتالىقتار مەن سپورتتىق-ساۋىقتىرۋ ورتالىقتارى؛
- قوعامدىق مونشالار مەن ساۋنالار؛
- بالالار جانە ەرەسەكتەر ءبىلىم بەرۋ ورتالىقتارى، كوررەكسيالىق كابينەتتەر؛
- دالاداعى اتتراكسيوندار.
دەمالىس كۇندەرى 65 جاستان اسقان ادامداردىڭ كوشەگە شىعۋى شەكتەلەدى. قوعامدىق كولىكتىڭ قوزعالىسىنا دا شەكتەۋ ەنگىزىلەدى.
قازاقستاندا 17 تامىزدان باستاپ قاتاڭ كارانتين رەجيمى جەڭىلدەتىلگەن بولاتىن.
پىكىر قالدىرۋ