سىبايلاس جەمقورلىققا قارسى ءىس-قيمىل اگەنتتىگى "قازاۆتوجول" ۇلتتىق كومپانياسىنىڭ باسشىلىعىنا قاتىستى سوتقا دەيىنگى تەرگەۋدى باستادى.
"باتىس قازاقستان وبلىسى بويىنشا سىبايلاس جەمقورلىققا قارسى قىزمەت دەپارتامەنتى "قازاۆتوجول" ۇلتتىق كومپانياسى اق وبلىستىق فيليالىنىڭ باسشىلىعىنا قاتىستى اسا ءىرى كولەمدە بيۋدجەت قاراجاتىن ۇرلاۋ فاكتىسى بويىنشا سوتقا دەيىنگى تەرگەۋدى باستادى ق ر قىلمىستىق كودەكسىنىڭ 189-بابى 4-بولىگى 2-تارماعى بويىنشا جازالانادى. (مۇلكi تاركiلەنiپ، بەلگiلi بiر لاۋازىمداردى اتقارۋ نەمەسە بەلگiلi بiر قىزمەتپەن اينالىسۋ قۇقىعىنان ءومىر بويىنا ايىرا وتىرىپ، 7-12 جىلعا دەيiنگi مەرزiمگە باس بوستاندىعىنان ايىرۋعا جازالانادى).
اتالعان تۇلعالار مەردىگەرلىك ۇيىممەن جانە باسقا تۇلعالارمەن الدىن الا ءسوز بايلاسۋ ارقىلى 2017-2019 جىلدار ارالىعىندا رەسپۋبليكالىق ماڭىزى بار اۆتوموبيل جولدارى ۋچاسكەسىنىڭ قازاقستان-رەسەي شەكاراسىنداعى "سىرىم" وتكىزۋ پۋنكتىن اباتتاندىرۋ بويىنشا كۇردەلى جوندەۋگە بولىنگەن 13 ملن تەڭگەدەن استام (13 247 799 تەڭگە) بيۋدجەت قاراجاتىن جىمقىرعان" دەلىنگەن اگەنتتىك تاراتقان حابارلامادا.
پىكىر قالدىرۋ