ۇلتتىق قوعامدىق سەنىم كەڭەسى قۇرامىندا وزگەرىس بولدى. بۇل تۋرالى اقوردا سايتى حابارلادى.
"ۇلتتىق قوعامدىق سەنىم كەڭەسىنىڭ قۇرامىنا ءبىرقاتار ازاماتتىق قوعام وكىلدەرى – "دوس" تاۋەلسىز ءومىر ورتالىعى" مۇگەدەكتەر قوعامدىق بىرلەستىگىنىڭ ءتورايىمى دينا ەردىلدينوۆا، Atameken Business تەلەارناسىنىڭ باس ديرەكتورى قانات ساحاريانوۆ، جۋرناليست، بلوگەر وركەن كەنجەبەك، مەديا ساراپشىسى ماكسيم روجين، الەۋمەتتىك كاسىپكەر ەمين اسكەروۆ ەنگىزىلدى" دەلىنگەن حابارلامادا.
سونداي-اق روتاسيا اياسىندا بىرنەشە تۇلعا قوعامدىق كەڭەستەن شىعارىلدى.
"ۇلتتىق كەڭەس قۇرامىنان سيفرلىق دامۋ، يننوۆاسيالار جانە اەروعارىش ونەركاسىبى ءمينيسترى مىندەتىن اتقارۋشى باعدات مۋسين، بەلگىلى ساياساتتانۋشى دانيار اشىمبايەۆ، قوعام قايراتكەرلەرى مۇحتار تايجان، سەيداحمەت قۇتتىقادام جانە جانىبەك قوجىق شىعارىلدى" دەلىنگەن حابارلاندى.
ۇلتتىق قوعامدىق سەنىم كەڭەسى 2019 جىلى 12 ماۋسىم كۇنى قۇرىلعان. پرەزيدەنت جارلىعىنا ساي، كەڭەستىڭ نەگىزگى ماقساتى – جۇرتشىلىقتىڭ، ساياسي پارتيالاردىڭ، ازاماتتىق قوعام وكىلدەرىنىڭ قاتىسۋىمەن مەملەكەتتىك ساياساتقا قاتىستى وزەكتى، ماڭىزدى ماسەلەلەر بويىنشا باستامالاردى، ۇسىنىستاردى تۇجىرىمداۋ.
