21 تامىز كۇنى قىزىلوردا وبلىسىنىڭ اكىمى گۇلشارا ءابدىقالىقوۆا كارانتين شەكتەۋلەرىنىڭ جەڭىلدەتىلۋىنە بايلانىستى ءتۇرلى ازاماتتىق قوعام وكىلدەرىمەن كەزدەستى، ونىڭ ىشىندە قوعام بەلسەندىسى ساندۋعاش تۇرلىبەكوۆا دا بار. بۇل تۋرالى اقپارات Facebook جەلىسىندە تارادى. 

"بۇگىن 21.08.2020 جىلى وبلىس اكىمى گ.ءابدىقالىقوۆانىڭ قابىلداۋىندا بولدىم. جەكە باسىمنىڭ جانە دە باسقا دا كىسىلەردىڭ ماعان شاعىم ايتىپ جۇرگەن ماسەلەلەرىنىڭ شەشىلۋىن سۇرادىم. ورىنداۋعا ءتيىستى مەكەمە باسشىلارىنا تاپسىرما بەردى. اكيماتقا كىرەر ۋاقىتتا انا ەسىككە بار، مىنا ەسىككە بار دەپ ءبىراز اتدىگىدىك شاپقىلادىق. اكىم حانىممەن ەركەكپەن ەركەكشە سويلەستىك دەگەندەي ايەل مەن ايەلشە سويلەسىپ ءبىراز بولعان جايتتاردىڭ باسىن شەشتىك. اكىم حانىم نە ءۇشىن مەنى تىڭداماي ماشيناعا ءمىنىپ كەتكەن سەبەبىن مەن نە ءۇشىن الدىنان شىققانىمدى اشىق تۇردە ايتىلدى. حاننىڭ قىزى دەگەن سوزدە اۋىزىمنان نە ءۇشىن شىققانىن سەبەبىن اششى بولسادا شىندىعىن جەتكىزدىم.ءوزىمنىڭ 2 جىلدان بەرى قوعام بەلسەندىسى بولعالى نەشە ءتۇرلى اكىمشىلىك ىستەرگە تارتىلىپ جاتقانىمدى ايتتىم. الداعى ۋاقىتتا مەن ءوتىنىش ەتكەن ماسەلەلەر شەشىلەر دەپ ويلايمىن. ءوتىنىشىمدى جازباشا دا تاستادىم. ەگەردە سوتتىڭ شىعارعان قاۋلىسى ايىپپۇلدارىم مەن 6 ايعا قويىلعان شارا توقتاتىلماسا استاناعا توقايەۆقا بارامىن. مەن ءوزىمنىڭ قۇقىمدى قورعاۋعا ءتيىستىمىن. انالارعا قاتىستى، دەنساۋلىق ساقتاۋ باسقارماسىنا، وبلىستىق سوبەسكە بايلانىستى دا سۇراقتارىمدى قويىپ ءتيىستى جاۋابىمدى الدىم. ول ماسەلەلەردە شەشىمىن تاپسا دۇرىس بولار ەدى. وبلىس اكىمى ماعان ءارقاشان مەنىڭ جازىپ ايتىپ جۇرگەن ماسەلەلەرىڭىزدىڭ شەشىمىن تابۋعا بولاتىنىن دا ايتتى، الداعى ۋاقىتتا اۋدانعا بارعاندا دا قابىلداپ وتىرامىن دەپ ۋادە ەتتى. سونىمەن اكىم حانىمنىڭ قابىلداۋىندا بولۋ ءساتتى ءوتتى. ءبىراق اناۋ اكىمنىڭ جان جاعىنداعى جۇگىرىپ جۇرەتىن كىسىلەردىڭ نەگە ولاي الاق جۇلاق ەتىپ جۇرەتىنىنە تاڭىم بار. ول كىسىلەرگە ايتارىم اكىم دە ،پرەزيدەنت تە، دەپۋتات تا بارلىعى ءوزىمىز سياقتى ادامعوي. شىلي انانداي بولىپ جۇگىرە بەرمەڭىزدەرشى. ءبىز ءوتىنىشىمىزدى ايتۋعا بارىپ تۇرمىز ادام ۇرلاۋعا ەمەس. اشىقتىق پەن قاراپايىمدىلىق باسشىلاردىڭ مەرەيىن ۇستەم قىلادى،وسىنى ۇمىتپاعايسىزدار!!!! بارعان ەسىكتەن كىرگىزۋ كەرەك ەدى، ءبىزدى الا وكپە قىلىپ ءشوپ پەن توپىراقتى ارالاتىپ جۇگىرتكەنشە وسى جەرى ىڭعايسىزداۋ بولدى. امان بولىڭىزدار!!!!"،- دەلىنگەن ساندۋعاش تۇرلىبەكوۆانىڭ جازبادا.

ەسكە سالساق، كوپبالالى انا ساندۋعاش تۇرلىبەكوۆا "قىزىلوردا وبلىسىنىڭ اكىمى گۇلشارا ءابدىحالىقوۆا جولدى جاۋىپ تاستادى" دەپ جەلىدە ۆيدەو تاراتقان ەدى.