جىلىتۋ ماۋسىمىنا دايىندىق جۇمىستارى مەجەلەنگەن جوسپارعا سايكەس جۇرگىزىلۋدە.
شقو ەنەرگەتيكا جانە تكش باسقارماسى باسشىسى داۋلەت باتىربايەۆتىڭ مالىمەتىنشە، بۇگىنگى كۇنى وڭىردەگى الەۋمەتتىك نىسانداردى جىلىتۋ ماۋسىمىنا دايىنداۋ جۇمىستارى قارقىندى جۇرگىزىلۋدە. دەنساۋلىق ساقتاۋ نىساندارى 79%، ءبىلىم بەرۋ نىساندارى 76%، الەۋمەتتىك قورعاۋ نىساندارى 82%، تۇرعىن ۇيلەر 63% دايىن.
ەڭ باستىسى، جىلۋ كوزدەرى مەن تىرشىلىكتى قامتاماسىز ەتۋ نىساندارىن وتىنمەن قامتۋعا باسا نازار اۋدارىلۋدا.
وبلىستاعى جەس پەن جىلۋ كوزدەرىندە 342 مىڭ توننا نەمەسە 165% ەكسپلۋاتاسيالىق قور جينالعان. جەتكىزۋ كەلىسىمشارتقا سايكەس جۇرگىزىلەدى.
بيۋدجەتتىك ۇيىمدارعا كومىردى جەتكىزۋ شىلدە ايىندا باستالدى. جالپى قاجەتتىلىك قورى 132،1 مىڭ توننانى قۇرايدى. قازىرگى ۋاقىتتا 85 مىڭ توننا نەمەسە 62% جەتكىزىلگەن.
تۇرعىنداردى جىلىتۋ ماۋسىمىندا كومىرمەن قامتاماسىز ەتۋ ءۇشىن 1123،6 ءمىى توننا قاجەت. ءقازىر 695،8 مىڭ توننا كومىر نەمەسە 62% جەتكىزىلدى.
19 تامىزداعى دەرەكتەرگە سايكەس، وبلىستاعى تەمىرجول تۇيىقتارىندا 38،3 مىڭ توننا كومىر بار. وبلىس تۇرعىندارى ءۇشىن كومىردىڭ ورتاشا باعاسى 12 500 تەڭگە.
جىلىتۋ ماۋسىمىنا دايىندىق ۇنەمى باقىلاۋدا ۇستالىنىپ وتىر.
پىكىر قالدىرۋ