الماتى پوليسياسى جاڭا تۋعان ءسابيىن ارىققا تاستاپ كەتكەن ايەلدى ىزدەستىرىپ جاتىر. بۇل تۋرالى Polisia.kz حابارلادى.
پورتالدىڭ حابارلاۋىنشا، 25 تامىزعا قاراعان ءتۇنى المالى اۋدانى رايىمبەك داڭعىلى بويىنداعى ارىقتان قالا تۇرعىنى نارەستە تاۋىپ العان. كۋاگەر وقيعا ورنىنا دەرەۋ جەدەل جاردەم مەن پوليسيا قىزمەتكەرلەرىن شاقىردى. بالا دەنساۋلىعى مەن كۇتىمىن باقىلاۋ ءۇشىن اۋرۋحاناعا جەتكىزىلدى.
"قازىرگى ۋاقىتتا المالى اۋداندىق پوليسيا ءبولىمى بالانىڭ بيولوگيالىق اناسىنىڭ ورنالاسقان جەرىن انىقتاۋ ءۇشىن جەدەل ىزدەستىرۋ شارالارىن جۇرگىزىپ جاتىر. پوليسيا قىزمەتكەرلەرى حالىقتان نارەستەنىڭ بيولوگيالىق اناسى جايلى كەز كەلگەن اقپاراتتى پوليسياعا دەرەۋ حابارلاۋعا شاقىرادى" دەلىنگەن حابارلامادا.
پىكىر قالدىرۋ