قازاقستاننىڭ ءبىلىم جانە عىلىم مينيسترلىگى جاڭا وقۋ جىلىنا وراي تاعى دا وزگەرىستەر ەنگىزدى. بۇل تۋرالى "ەۋرازيا" ءبىرىنشى ارناسىنا بەرگەن سۇقباتىندا مينيسترلىكتىڭ مەكتەپكە دەيىنگى جانە ورتا ءبىلىم كوميتەتىنىڭ ءتورايىمى مايرا مەلدەبەكوۆا مالىمدەدى.
– ءمۇعالىم تاپسىرمالاردى پلاتفورماعا سالادى. بىزدە وسى جىلى بۇرىنعىداي ءۇي تاپسىرماسى دەگەن بەرىلمەيدى، تەك قانا ءبىر تاپسىرما بولادى. ونى ءمۇعالىم Kundelik.kz-كە سالادى. مەكتەپ پلاتفورمانى قولداناتىن بولسا، وقۋشى سول جەردەگى تاپسىرمانى عانا ورىندايدى، – دەدى مايرا مەلدەبەكوۆا.
جاڭا وقۋ جىلى الدىندا دەنساۋلىق ساقتاۋ مينيسترلىگىنىڭ رەسمي وكىلى باعدات قوجاحمەتوۆ مۇعالىمدەردىڭ كوروناۆيرۋسقا تەست تاپسىرمايتىنىن مالىمدەدى.
سونداي-اق، ول مەكتەپ وقۋشىلارى دا عيماراتقا مەديسينالىق بەتپەردە تاعىپ، ارا قاشىقتىقتى ساقتايتىنىن اتاپ ءوتتى.
ايتا كەتەيىك، قازاقستاندا تامىزدىڭ 25-28ء-ى ارالىعىندا 2-11-سىنىپتار قاشىقتان ءبىرىڭعاي ساباقتار وتەدى. ولار وتكەن ماتەريالداردى قايتالايتىن بولادى.
پىكىر قالدىرۋ