ق ر پرەمەر-مينيسترىنىڭ ورىنباسارى ەرالى توعجانوۆتىڭ توراعالىعىمەن وتكەن ۆەدومستۆوارالىق كوميسسيا وتىرىسىندا ەلدەگى شەكتەۋ شارالارىن جەڭىلدەتۋدىڭ ەكىنشى كەزەڭى ماقۇلدانعانى حابارلاندى.
دەنساۋلىق ساقتاۋ مينيسترلىگى شەكتەۋ شارالارى ەل بويىنشا COVID-19 ينفەكسياسىن 10 ەسەگە، جەدەل جاردەمدى شاقىرۋ سانىن 4،2 ەسەگە، اۋرۋحانادا جاتقانداردىڭ سانىن 80%-عا تومەندەتۋگە مۇمكىندىك بەرگەنىن، ال ءموبيلدى بريگادالار سانى 7،6 ەسەگە ارتقانىن حابارلادى.
قول جەتكىزىلگەن وڭ اسەردى ەسكەرە وتىرىپ، ۆەدومستۆوارالىق كوميسسيا بيىل 31 تامىزدان باستاپ كەلەسى نىسانداردىڭ قىزمەتىن قايتا باستاۋ تۋرالى شەشىم قابىلدادى:
- ءدىني وبەكتىلەر (جەكە، ۇجىمدىق ءىس-شارالار وتكىزىلمەيدى)؛
- باسسەيندەر (جەكە فورماتتا، 1 كەلۋشىگە 5 ش. م. سۋ بەتى ەسەبىنەن، الدىن الا جازىلۋ ارقىلى)؛
- جاتتىعۋ زالدارى (1 كەلۋشىگە 5 ش. م. دەيىن، الدىن الا جازىلۋ ارقىلى)؛
- سپورت كەشەندەرى (1 كەلۋشىگە 5 ش. م. دەيىن جەكە جانە توپتىق جاتتىعۋلار ءۇشىن)؛
- مادەنيەت نىساندارى (1 كەلۋشىگە 5 شارشى مەترگە دەيىن، تولىمدىلىعى 50%-دان اسپايدى، ونىڭ ىشىندە كەمىندە 2 مەتر الەۋمەتتىك قاشىقتىقتى ساقتاي وتىرىپ، 30 ادامعا دەيىن ۇجىمدىق دايىندىقتار، ۇزىلىستەردە بولمەلەردى جەلدەتۋ، بەتپەردە تاعۋ قاجەت)؛
- ەرەكشە قورعالاتىن تابيعي اۋماقتار: مەملەكەتتىك ۇلتتىق تابيعي پاركتەر، قورىقتار، رەزەرۆاتتار جانە ت. ب. (جەكە جانە 15 ادامنان اسپايتىن ۇيىمداسقان توپتار ءۇشىن الەۋمەتتىك اراقاشىقتىقتى ساقتاي وتىرىپ، كەمىندە 2 مەتر قاشىقتا، بەتپەردە تاعۋ قاجەت)؛
- قالا ماڭىنداعى جولاۋشىلار پويىزدارىنىڭ/ەلەكتر پويىزدارىنىڭ، قالاارالىق، وبلىسىشىلىك اۆتوبۋستاردىڭ/شاعىن اۆتوبۋستاردىڭ قوزعالىسىنا رۇقسات بەرىلەدى.
– بارلىق نىساندار ءتيىستى دايىندىق اكتىلەرىن العاننان كەيىن عانا جۇمىسقا كىرىسۋگە رۇقسات بەرىلەدى. وڭىرلەردىڭ اكىمدىكتەرى دەنساۋلىق ساقتاۋ مينيسترلىگى، "اتامەكەن" ۇكپ-مەن بىرلەسىپ، قوعام بەلسەندىلەرىن تارتا وتىرىپ، ەنگىزىلەتىن نىسانداردىڭ بارلىق سانيتارلىق تالاپتاردى قاتاڭ ساقتاۋىن قامتاماسىز ەتۋى قاجەت، – دەپ اتاپ ءوتتى ە. توعجانوۆ.
پىكىر قالدىرۋ