شقو اكىمى دانيال احمەتوۆتىڭ قاتىسۋىمەن وتكەن ءداستۇرلى تامىز كونفەرەنسياسىندا ورتا ءبىلىم بەرۋ ۇيىمدارىن جاڭارتىلعان ءبىلىم بەرۋ مازمۇنىنا كوشىرۋگە بارلىق جاعداي جاسالعانى بەلگىلى بولدى.

ايماق باسشىسى دانيال احمەتوۆ ءوز سوزىندە جاڭارتىلعان مازمۇندا ءبىلىم بەرۋ بويىنشا 23 مىڭ ءمۇعالىم ءبىلىمىن جەتىلدىرىپ، 1،5 ملن وقۋلىق ساتىپ الىنعانىن اتاپ ءوتتى. وقۋشىلار 100% وقۋلىقپەن قامتاماسىز ەتىلەدى.

ءبىلىم باسقارماسىنىڭ باسشىسى سايرانگۇل ءجۇمادىلوۆانىڭ ايتۋىنشا، بيىلعى جىلى 11 سىنىپ وقۋشىلارى جاڭا فورماتتا ءبىلىم الادى. اتاپ ايتساق، "كاسىپكەرلىك نەگىزدەرى جانە بيزنەس"، "گرافيكا جانە ديزاين"، "العاشقى اسكەري-تەحنيكالىق دايىندىق" پاندەرى. 9،11 سىنىپتار جاڭا فورماتتا قورتىندى اتتەستاسيا تاپسىرادى. سونىمەن قاتار جاڭا فورماتتاعى ءبىلىم بەرۋ جۇيەسىنە سايكەس ۇشتىلدىلىككە دە باسا نازار اۋدارىلۋدا. بيىل كوپتىلدىلىك باعدارلاماسى بويىنشا نەمىس جانە فرانسۋز تىلدەرىن وقىتۋ ەنگىزىلەدى.

جاڭا باعدارلامانى جۇزەگە اسىرۋ ماقساتىندا 1 مىڭنان استام ءمۇعالىم كۋرستان ءوتتى. ناتيجەسىندە، پەداگوگتەردىڭ ءتىل مەڭگەرۋ ادىستەمەسىنىڭ دەڭگەيى 80-نەن 89% ارتىپ، قاتىسۋشىلاردىڭ ءتىل ءبىلۋىنىڭ ورتاشا دەڭگەيى 35% قۇرادى. وتكەن جىلى بۇل كورسەتكىش 20% بولعان.

ەكى جىلدىڭ ىشىندە 2650 پەداگوگتى قوسىمشا دايىنداۋ جوسپارلانىپ وتىر.